@clean.kawasoti: 📍 बालुवाडा भ्यू टावर – हाम्रो गौरव, तर आज बेवास्ताको पीडा। कावासोती र वरपरको प्राकृतिक सौन्दर्य अवलोकन गर्न निर्माण गरिएको बालुवाडा भ्यू टावर आज संरक्षणको अभावमा जीर्ण बन्दै गएको छ। जथाभावी फोहोर फाल्ने, भित्ता र रेलिङमा लेख्ने, सार्वजनिक सम्पत्ति तोडफोड गर्ने जस्ता गतिविधिले यसको सौन्दर्य दिनप्रतिदिन हराउँदै गएको छ। केही दिनअघि हामीले आफ्नै पहलमा सरसफाइ अभियान सञ्चालन गरी ठूलो मात्रामा फोहोर संकलन गरेर एक ठाउँमा व्यवस्थित रूपमा राख्यौँ। तर दुःखको कुरा, त्यो फोहोर अझैसम्म उठाइएको छैन। बरु त्यही थुप्रोमाथि फेरि नयाँ फोहोर थपिँदै गएको छ। यसरी केवल सरसफाइ अभियान चलाएर मात्र पुग्दैन, संकलित फोहोरको समयमै व्यवस्थापन पनि उत्तिकै आवश्यक छ। यस विषयमा सम्बन्धित वडा कार्यालय, नगरपालिका तथा सरोकारवाला निकायहरूको गम्भीर ध्यानाकर्षण गराउन चाहन्छौँ। साथै, यहाँ घुम्न आउने सम्पूर्ण आगन्तुकहरूलाई पनि हार्दिक अनुरोध छ—प्रकृति र सार्वजनिक सम्पत्ति हाम्रो साझा सम्पत्ति हो। कृपया फोहोर नफालौँ, भित्ता र रेलिङमा नलेखौँ, तोडफोड नगरौँ, र आफ्नो ठाउँलाई आफैँ जोगाऔँ। #nawalpurmuser #kawasoti #nepal #nature #chitwan

Clean Kawasoti

Open In TikTok:

Region: NP

Wednesday 22 July 2026 13:23:08 GMT