QAYBTII TODDOBAAD: BARO DHAQANKAAGA Casharkeenna maanta wuxuu ku saabsan yahay barashada afar shay oo ka mid ah agabkii loo isticmaali jiray baahiyaha kala duwan ee qoyska. Waxaynu si kooban u baran doonnaa mid kasta magaciisa iyo shaqadii uu qaban jiray. 1. SAAB Saabku waa shay ka samaysan laamo ama ula, mareer, saan geel iyo xargo. Shaqadiisu waxay ahayd in haamaha lagu guro marka la guurayo, marka la dhaaminayo iyo marka ciirta lagu lulayo. 2. DABQAAD Dabqaadku waa shayga lagu shito waxyaabaha udugga iyo carafta leh ee dhulkeennu hodanka ku yahay, sida fooxa, beeyada, uunsiga iyo luubaanta. 3. HARUUB-GAAL Haruub-gaalku waa weel dhaqameed ka samaysan qabay, shaqadiisuna tahay in geela lagu liso ama lagu maalo. Waxaana loo yaqaan magacyo kala duwan, sida haruub-gaal, doobi, gaawe, bidhe, qoroq iyo ganaan. 4. SHANLO shanladu waa agab loo isticmaalo in timaha iyo garka lagu feerto laguna hagaajiyo. Saqaftu inta badan waxay ka samaysnaan jirtay alwaax ama waxyaabo kale oo adag. Waxayna leedahay dhowr magac, sida shanlo, gar-feer iyo saqaf. Agab kasta wuxuu lahaa adeeg iyo shaqo u gaar ah. Barashada agabkan ma aha oo keliya in la ogaado magacyadooda, balse waa in la fahmo sida ay dadkeennii hore u noolaan jireen, uga faa’iidaysan jireen wax-soo-saarkooda, uguna maarayn jireen baahiyaha qoyska. Sidaas ayaynu maanta ku barannay afar shay oo ka mid ah agabkii loo isticmaali jiray baahiyaha kala duwan ee qoyska. Baro dhaqankaaga, si aad u ilaaliso hiddaha Iyo dhaqankaaga#fyp #foryou #somaliculture #foryoupage - @abdikadirismail76