@doctor.yousef: اذا عندك حبوب حمراء ملتهبة؟ استخدمي بنزويل بيروكسيد. حطيه طبقة خفيفة على مكان الحبوب، مرة باليوم. إذا بشرتك حساسة بلشي يوم اي ويوم لا. بس انتبهي: بينشف شوي وبلون المخدة أو المنشفة بلون ابيض، فخليه ينشف قبل النوم. رؤوس بيضاء أو مسام مسكرة؟ استخدمي أدابالين. هذا مو سبوت على الحبة بس، بينحط على المنطقة اللي بتطلع فيها الحبوب. بالليل، كمية صغيرة، 3 مرات بالأسبوع بالبداية، وبعدين زيدي حسب تحمل بشرتك. بالنهار لازم واقي شمس. بقع بنية بعد الحبوب؟ استخدمي أزيليك أسيد او ترانكساميك اسيد مع نياسيناميد مرة باليوم، صباحا أو مساء. بس أهم شي معه واقي شمس، لأن التصبغ إذا تعرض للشمس بيرجع ويغمق. بقع حمراء بعد الحبوب؟ استخدمي أزيليك أسيد أو نياسيناميد، وركزي على واقي الشمس. البقع الحمرا بدها وقت، ما بتروح بأسبوع. تجاعيد أو خطوط خفيفة؟ استخدمي ريتينول أو ريتينال أو ريتينويد حسب تحمل بشرتك. بالليل فقط، مرتين أو 3 مرات بالأسبوع بالبداية. حطي كمية قليلة وبعدها مرطب. والصبح واقي شمس، غير هيك ما إلو معنى. وإذا حامل أو عم تحاولي تحملي، لا تستخدميه شعر زائد بالوجه؟ كريم Vaniqa بيبطئ نمو الشعر. ينحط مرتين باليوم، لزالة نهائية بدك ليزر. إذا في شعر زائد مع حبوب أو دورة مو منتظمة، هون لازم نفكر بالهرمونات. بهتان وشحوب؟ استخدمي فيتامين C الصبح مثلا من geek & gorgeous ماركة جيدة كم نقطة قبل واقي الشمس. إذا لسع أو هيج البشرة، خففيه أو استخدميه يوم اي يوم لا. دكتور_يوسف #doctoryousef #لامين_يامال #حبوب_الوجه

دكتور يوسف

Open In TikTok:

Region: DE

Wednesday 22 July 2026 16:53:37 GMT