@masud_haji: د ژیانێ دا، مەزنترین خەلەتی ئەوە مرۆڤ دەرگەهێ دڵێ خۆ بۆ هەر ڕێبوارەکێ نەهێژا ڤەکەت. دڵ نە تاقیگەهە دا کو هەر کەسەکێ هات، تاقیکرنان ل سەر هەستێن تە بکەت و پاشان بجهـ بهێلیت. دەمێ تۆ ڕێ ددەیە کەسێن بێ بەها دڵێ تە بریندار بکەن، تۆ بتنێ مرۆڤەکی ژ دەست نادەی، بەڵکو تشتەکێ گەلەک بهێزتر ژ دەست ددەی: تۆ باوەری و هێزا حەژێکرنێ دناخێ خۆ دا بریندار دکەی. برادەرەکێ مە هەبو گەلەک زیرەک بو د ڕازیکرنا ڕەگەزێ بەرامبەر دا، هەتا گەهەشتیە تەمەنێ هەڤژینیێ پتر ژ ٦ کچان تاقیکربوون و پەیوەندی دگەل دروستکربوون. وی وەسا هزردکر یێ زیرەکە، بەلێ ژ بیرکربوو کو هەر ل ڤێ جیهانێ خودایێ مەزن تولا وان هەمی تاوانێن وی لێ ڤەدکەت. پشتی هەڤژینیێ ب دوو هەیڤان، چاڤێ من ڤێکەفت ئێکسەر وی بخو گۆتە من : «ب خودێ برا من چ خۆشی ژ ڤێ هەڤژینێ نەدیت، ئەو هزرا من دکر هەمی بەروڤاژی بوو. ئەز هەست ب ئارامیێ ناکەم، هەڤژینا من وەکی دوژمنەکێ یە د چاڤێن من دا، بتنێ وی دەمی ئارامم دەمێ ژ مال دوور دکەڤم و وێ نەبینم » د بەرامبەر دا، برادەرەکێ مە یێ قوتابخانێ گەلەکێ مسکین و شەرمین بوو؛ ب ڕەنگەکێ شەرم دکر سلاڤا کچان وەربگریت و بۆ جارەکا بتنێ ژی نەهاتبوو دیتن دگەل کچەکێ باخڤیت یان پەیوەندیەکێ دروست بکەت. دەمێ دایکا وی کچەک بۆ دیت و کرە بووک، پشتی شەهیانی من پسیار ژێ کر کا ژیانا وی چەوا دچیت، ئەو ژیانا یا کو دوور بوو ژ عەشق و پەیوەندیێن نهێنی و درێژ و سۆز و هەستێن خەیالی ین حەرام . گۆت: «برا باوەرکە، ئەز نزانم کەنگی ژ کاری ڤەگەڕم داکو خێزانا خۆ ببینم. هند ژێ خەریب دبم، ل سەر کاری ڕۆژانە ٦ بۆ ٨ جاران پسیارا وێ دکەم و ئەو پسیارا من دکەت. تۆ دزانی؟ هەر وەکی ئەز دەولەمەندترین کەسم د ڤێ ژیانێ دا!» من لێ پرسی:«براکێ من، تۆ هزر دکەی نهێنیا ڤێ ئارامی و حەژێکرنا د ناڤبەرا وە دا چیە؟ بێژە تە چ ڕێک بکار ئینایە داکو برایێ تە ژی مفادار بیت؟» گۆتە من: «براکێ من، تۆ دزانی من هەمی عەشق و هێزا خۆ پاشکەفت کربوو؟ تۆ دزانی ڕۆژەکێ من ب حەرامی دگەل چ کچان نەئاخفتیە و تەنانەت کچێن هەڤال ژی ل دەڤ من نەبوون؟ چونکی بەردەوام باب و دایکا من دگۆتنە من: هشیار بن پەیوەندیێن حەژێکرنێ بەری زەواجێ دروست نەکەن، دا کو خودێ هەوە سزا نەدەت.»" #هزربوون #پاشەڕۆژا_گەنجا #بهایێ_زەلامی #بهایێن_ژنێ #خێزان

masud_haji

Open In TikTok:

Region: IQ

Wednesday 22 July 2026 17:15:00 GMT