ТАҚЫРЫП СОЛ КҮЙІНШЕ ƏЛІ ДЕ ӨЗЕКТІ МЕ!?, Əрине, өзекті! ⚡️ «Текті болсақ, 30 жыл тоналғанымыз қалай? »: Қазақ қоғамы өзіне шындықты айтатын кез келді. – Шынымды айтайын, «Біздің қазақ 150 ұлтты құшағына сыйдырған» деген сөздер құлағымды қотыр қылды. Сондай жауыр болған өтірік мақтауларды естігім келмейді. Текті, рухани мықты, принципке берік болсақ, неге бізді бір отбасы 30 жыл бойы тонаған? Оны ауыздықтауға неге сол Текті Ұлттың ақылы мен әлеуеті жетпеген? Ол кінәні неге біреуден іздеп, жауапкершілікті алпауыт көршісіне, тарихи геолокациясына, тағы басқа қаптаған таусылмайтын сылтауларға итере саламыз? Білімі қайда, күрескерлігі қайда, Отансүйгіштігі қайда, ұлтқа қызметі қайда!?, Олар әділетсіздікке көніп қана қоймай, сол көп жемқордың біріне айналды. Қазір Қазақстанда пара берілмейтін Мекеме қалмады! Мектептің еден жуушысынан бастап, балабақшаның тәрбиешісі, тіпті әдеби ортаның алатын Сыйлықтарына дейін пара беру мен жемқорлық! Мысалы, менің әкемнің 100 жылқысы ұрланды. Оны ұйымдасқан қылмыс дейді. Қарапайым жылқышы, сот қызметкерлері, милиция, ауыл адамдары, яғни қарапайым халық -- Ғасыр ұрлығын жасады. Балабақшаға кіруге, оқуға түсуге, жұмысқа орналасуға, қызметте өсуге, тегін пәтер алуға, жақсы дәрігерге ота жасатуға пара беру керек. Бірен-сараны өз күшімен кіргені болмаса, үлкен бөлшегі осы жүйемен жұмыс істейді. Жол салуға, мектеп салуға, тұрғын үй салуға бөлінген қаражат желініп, ең соңында қалған мардымсыз ақшаға кәсіби емес құрылысшылар сапасыз материалдан салған дүниеге ие боласыз. «Ұсталмаған ұры емес» демекші, бәрін көзімізбен көріп отырып, үндемейміз. Тұтас ұрпақ мәселені ақшамен шешуге болады деген түсінікпен өсіп жатыр. Сотталса, ақшамен шығарып алады. Кісі өлтіргендер, адам зорлағандар ақша беріп, бостандықта жүреді. Заң жұмыс істемейтін қоғам қауіпсіз емес. Сатып алынған дипломдар енді «Жемісін» беріп жатыр. Ақын, Танакөз Толқынқызының -- «Жас Алаш» газетіне берген сұхбатынан үзінді. (10 наурыз, 2026 жыл.) - @user5999357741878