သံသရာ လည်နေခြင်း ဆိုတာ တစ်ဦးနှင့်တစ်ဦး တစ်ယောက်နှင့်တစ်ယောက် စွဲလမ်းသက်မက်တဲ့ စိတ်ကြောင့် အဖန်တလဲလဲ ဝဲဂယက်ပမာ လည်နေကြခြင်းပါ။ ချစ်ခြင်းကြောင့် သံသရာဟာ လည်သလို မုန်းခြင်းကြောင့်လည်း သံသရာဟာ လည်စေနိုင်ပါတယ်။ ငါ့အိမ် ငါ့ကား ငါ့ပစ္စည်း ငါ့လင် ငါ့သား ငါ့မယား ငါ့သမီး စတဲ့ အစွဲတွေကလည်း သံသရာကိုလည်စေတဲ့ အဓိက မဏ္ဍိုင်တွေပါပဲ။ ကံခိုင်တုန်းမှာ မာနတွေ ထောင်လွှားပီး အနိမ့်အမြင့် အတက် အကျ လောကဓဏ် ဒီသဘောရဲ့ အလှည့်အပြောင်းတွေ တစ်ပတ်လည်ပီး ကိုယ့်စီရောက်လာတဲ့ အခါ အဲဒီလူတွေမှာ ဖြေရာမဲ့စွာ ပြိုလဲ တတ်ကြပြန်ပါတယ်။ တစ်ပါးသူကို မုန်းစေခြင်းကလည်း ကိုယ့်ဘဝကို သံသရာ ရှည်စေတတ်ပါတယ်။ ကိုယ်အနိုင်မရလိုက်ရလို့ ကိုယ့်ဘက်က အလျှော့ပေးလိုက်ရလို့ ကိုယ်က ခံလိုက်ရလို့ ဆိုတဲ့ အငြိုးအသေး အာဂါတွေကြောင့် မပြု့တင့် မပြု့ထိုက်တဲ့ ကာယကံ ဝစီကံ မနောကံ လို့ဆိုတဲ့ ကံသုံးပါးနဲ့ ပြစ်မှားမိ နေကြခြင်းကလည်း သံသရာကို ရှည်စေနိုင်ပါတယ်။ ထိုသို့သော အရာတွေကို မြတ်ဗုဒ္ဓကတော့ မဇ္ဇျိမ ပတိပရာ အလည် အလတ်သော လမ်းဖြင့်ကျင့်ပီး သံသရာကို ချုပ်ငြိမ်းစေခဲ့ပါတယ်။ မြတ်စွာ ဘုရားရှင်သည် ဘုရားမဖြစ်မှီ သိဒ္ဓတ္ထ ဘဝကပင် ချစ်ခြင်းဟူသော ကြင်ယာတော် ယသော်ဓရာ ဒေဝီနှင့် သားတော်ရာဟုလာတို့ကို စွတ်လွှတ်ခဲ့ပြီး အဆောင်အယောင်နှင့်တကွ နန်းစည်းဇိမ်ဖြစ်သော စတဲ့ ဥစ္စာတို့ကိုလည်း စွန့်လွှတ်ခဲ့၍ သံတရာကို တိုစေခဲ့ပါတယ်။ ဘုရားမဖြစ်မှီ တရားကျင့်ချိန်နှင့် ဘုရား အဖြစ်တို့ ရရှိခဲ့ပြီးနောက်မှာလည်း အရှင် ဒေဝသတ် ရဲ့ ယှဥ်ပြိုင်ခြင်း တိုက်ခိုက်ခြင်း စတဲ့ အမုန်းတရားတွေကိုလည်း ဥပေက္ခါပြု့၍ သံသရာကို တိုစေခဲ့ပါတယ်။ ဤသို့ ဤပုံတွေကို ကြည့်ပီး ညီတော် အာနန္ဒာရဲ့ အမေးကို ဗုဒ္ဓ ဖြေခဲ့တဲ့ အဖြေက အရှင်းသား ပေါ်လွန်စေခဲ့ပါတယ်။ ဒါကြောင့် ကျွန်ုပ်တို့ လူသားတွေ အနေနဲ့လည်း သံသရာကို ရှည်စေ /လည်စေတဲ့ ချစ်ခြင်း မုန်းခြင်း တွေကို စွန့်ပီး သံသရာကို တိုစေတဲ့ ဥပေက္ခာ တရားကို လက်ကိုင်ထားပီး အပူအပင်တွေ ကင်းစေသော နိဗ္မာန်တို့ ရောက်အောင်သွားနိုင်ကြပါစေလို့ ဆန္ဒပြု့လျှက် 🌻 ရွှေညာမြေ🌻 ကိုနိုင်✍ #🌻ရွှေညာမြေ🌻ကိုနိုင်✍ #🌻ShweNyarMyae🌻KoNaing✍ #သံသရာတိုနိုင်ကြပါစေ🙏 - @kyaw.kyaw24001