@kyalzinkha30: @အနာဂတ်ကို🌿🍃 မျှော်လင့်ချက်အပြည့်နဲ့ ကြည့်ဖူးခဲ့တဲ့ မျက်ဝန်းတွေဟာ အခုတော့ သံသယတွေ၊ အကြောက်တရားတွေနဲ့ပဲ ပြည့်နှက်နေရတယ်။ အတိတ်က ရက်ရက်စက်စက် ရိုက်ချိုးခံခဲ့ရဖူးတဲ့ စိတ်ဒဏ်ရာတွေက ဒီနေ့အထိ သွေးစိမ်းရှင်ရှင်ထွက်နေတုန်းပဲ။ အဲဒီဒဏ်ရာတွေကြောင့်ပဲ ဘယ်သူ့ကိုမှ ထပ်ပြီး မယုံရဲတော့ဘူး။ လူတစ်ယောက်ကို အကြွင်းမဲ့ ယုံကြည်လိုက်ရခြင်းရဲ့ ရလဒ်က ဘယ်လောက်တောင် နာကျင်ရသလဲဆိုတာ ကိုယ်တိုင် ကြုံဖူးခဲ့လို့ ထပ်ပြီး အားကိုးရာမဲ့ရမှာကို သေလုမတတ် ကြောက်နေမိတယ်။ ဘေးနားကလူက "သိပ်ချစ်ပါတယ်" လို့ ဘယ်လောက်ပဲ ကတိကဝတ်တွေပြုပြီး ချိုသာတဲ့စကားတွေ ပြောနေပါစေ... ကိုယ့်ရဲ့ အဆိပ်သင့်နေတဲ့ အတွေးတွေကတော့ နောက်ကွယ်ကနေ ဓားတစ်လက်လို ခါးခါးသီးသီး လာလာထိုးဆွနေဆဲပါ။ "ဒီနေ့ သိပ်ချစ်ပါတယ်ပြောပြီး မနက်ဖြန်ကျရင် သူလည်း ပြောင်းလဲသွားမှာပါပဲ..." "သူလည်း တခြားလူတွေလိုပဲ ငါ့ကို တစ်နေ့ကျရင် ထားခဲ့မှာပဲ..." အဲဒီလို အတွေးဆိုးတွေက နေ့စဉ်နဲ့အမျှ ခေါင်းထဲကို အကြိမ်ကြိမ် ဝင်ရောက်လာပြီး ကိုယ့်ကိုယ်ကိုယ် ပြန်ပြန်သတ်နေတယ်။ ရိုးသားတဲ့ မေတ္တာကိုတောင် အစစ်အမှန်လို့ မခံယူရဲတော့ဘဲ ပဟေဠိတစ်ခုလို၊ ထောင်ချောက်တစ်ခုလို သံသယမျက်လုံးတွေနဲ့ပဲ စောင့်ကြည့်နေမိတယ်။ ပျော်ရွှင်ရမယ့် အချိန်တွေမှာတောင် "ဒီပျော်ရွှင်မှုက ခဏတာပဲ၊ ပြီးရင် နာကျင်မှုတွေ လာတော့မယ်" ဆိုတဲ့ စိုးရိမ်စိတ်က ရင်ဘတ်တစ်ခုလုံးကို အမြဲမွန်းကျပ်နေစေတယ်။ ချစ်ခြင်းမေတ္တာကို ငတ်မွတ်ပေမယ့်၊ တကယ်တမ်း အချစ်နဲ့ နီးစပ်လာတဲ့အခါ ထပ်ပြီး အပယ်ခံရမှာကို ကြောက်လို့ ကိုယ့်ပတ်ပတ်လည်မှာ မြင့်မားလှတဲ့ အုတ်တံတိုင်းကြီးတွေ ခတ်ထားမိတယ်။#fpyシ #🍒may🍒 #cardစာသား