==========={ 🙏 }========= သတိရှိတယ်ဆိုတာ ကိုယ့်ခန္ဓာမှာ ဘာပဲ ဖြစ် ဖြစ် ဖြစ်တိုင်းဖြစ်တိုင်းသော သဘာဝတရားတွေကို ဖြစ်နေတဲ့အတိုင်းလေး ရိုးရိုးလေး ဘက်လိုက်မှု မရှိဘဲနဲ့ အမှတ်သတိလေး ထားပြီးတော့ သတိလေးနဲ့ ဖြစ်နေတာတွေကို သိသိ သိသိနေတာကို “သတိရှိတယ်”လို့ ပြောတာ။ ပိုပြီးတော့ အကျယ်တဝင့် ပြောရမယ်ဆိုရင် သတိပဋ္ဌာန်ဘာဝနာ အားထုတ်နေတာကို သတိရှိတယ်လို့ ပြောတာ။ အပ္ပမာဒနဲ့ နေတယ်လို့ ပြောတာ။ အဲဒီသတိ ရှိနေမယ်ဆိုရင် စိတ်မှာ ရာဂ၊ ဒေါသ အပူဓာတ် အလောင်ဓာတ် အညစ်ဓာတ်တွေ၊ ဆင်းရဲ အောင် နှိပ်စက်မယ့်ရန်သူတွေ ဝင်လာစရာအကြောင်း မရှိဘူး။ လုံခြုံတယ်။ အဲဒီလို နှိပ်စက်မယ့်အရာ မရှိလို့ ပူလောင်မယ့်အရာ မရှိလို့ စိတ်ကလေး ချမ်းသာသွား တယ်၊ ဒါကို ပြောတာ။ ကိုယ့်ကိုယ်ကို စောဒက တက်လို့ စုံစမ်းလို့ရှိရင် သတိနဲ့ နေလာလိမ့်မယ်။ သတိရှိလို့ စိတ်တွေ လုံခြုံ လာပြီဆိုရင် အဲဒီလူ ချမ်းချမ်းသာသာ နေရပါလိမ့် မယ်တဲ့။ နားလည်တယ်နော်။ ဂါထာလေးက တိုတိုလေး ပြန်ပြောမယ်။ ““အတ္တနာ စောဒယတ္တာနံ”” * ကိုယ့်ကိုယ်ကို စောဒက တက်ပါ။ ““ပဋိမံသေထ အတ္တနာ”” * ကိုယ့်ကိုယ်ကို စုံစမ်းပါ။ ဒါဆိုလို့ရှိရင် “သော အတ္တဂုတ္တော သတိမာ”” * အဲဒီပုဂ္ဂိုလ် သတိရှိပြီးတော့ စိတ်ကလေးလုံခြုံပါလိမ့်မယ်။ ““သုခံ ဘိက္ခု ဝိဟာဟိသိ”” * သတိရှိလို့ စိတ်လုံခြုံတဲ့ အဲဒီပုဂ္ဂိုလ် ချမ်းချမ်းသာသာ နေရပါလိမ့်မယ်။ ဒီဂါထာက သံဝေဂကြီးစွာနဲ့ အားထုတ်လို့ ရဟန္တာ ဖြစ်သွားတဲ့ နင်္ဂလမထေရ်မြတ်ကို အကြောင်း ပြုပြီးတော့ မြတ်စွာဘုရားက ဟောတာ။ ဦးဇင်းတို့က ယောနိသောမနသိကာရနဲ့ နှိုင်း ယှဉ်ပြီးတော့ တွေးဖို့ ဒါကို ပြောတာနော်။ အရှင်ဉတ္တမ ( သစ္စာရွှေစည်) နှလုံးသွင်း မှန်ပါစေ ( တရားတော်မှ )ကူးယူ၍ "ဓမ္မသုတလမ်း "မှ ဓမ္မဒါနအနေဖြင့်ပြန်လည်မျှ ဝေ ပါသည် #သစ္စာရွှေစည်ဆရာတော်အရှင်ဥတ္တမ၏တရားတော် __________________________________ •မူရင်းရေးသားသူ/ •ဖြန့်ဝေသူအားလုံးဂါရဝပြုပါသည် •( #ဓမ္မသုတလမ်း )မှ •"#ဓမ္မဒါန အနေဖြင့်ပြန်လည်မျှဝေပါသည်။ •"ကောင်းမူ နေ့စဉ်ပြုပါ" •Copyဖြင့်သော်၎င်း •Share ဖြင့် သော်၎င်း •ပြန် လည်မျှဝေခြင်းဖြင့်။ • အမြတ်ဆုံးတရားကုသိုလ်ပြုနိင်ပါတယ်"✅ •🙏"သဗ္ဗဒါနံ ဓမ္မဒါနံ ဇိနာတိ "🙏 •🙏"အလှူ အားလုံး ထဲတွင် • တရားအလှူသည် အမြတ်ဆုံးဖြစ်၏"🙏 •ဤ(ရုပ်/နာမ်-ခန္ဓာ)မှပြုခဲ့ရသော •ကောင်းမူအစုစုအား အားလုံးကိုအမျှဝေပါ၏✅ု •🙏 နတ်/လူ သာဓုခေါ်စေသော်။.....🙏 "ဣဒံ မေ ပုညံ နိဗ္ဗာနဿ ပစ္စယော ဟောတု" •“နေရက်တိုင်းမှာစိတ်၏ချမ်းသာခြင်းကိုယ်၏ကျန်းမာခြင်းနှင့်ပြည့်စုံကြပါ‌စေ” _________________________________ - @dhammathutalan