@htilaminmin: မီလျံနာရွှေဆိုင်ကို ဓားပြတိုက်တဲ့ ဓားပြ ၆ ​ယောက်ကို ဖမ်းဆီးရမိ မန္တလေး၊ ဇူလိုင်- ၂၄- ၂၀၂၆ SA(VOM) မန္တလေးမြို့၊ ချမ်းမြသာစည်မြို့နယ်၊ ၁၁၀ လမ်း ၆၂ လမ်းနဲ့ ၆၄ လမ်းကြားမှာရှိတဲ့ မီလျံနာရွှေဆိုင်ကို ဇူလိုင် ၂၀ ရက်နေ့က ဓားပြတိုက်သွားတဲ့ ဓားပြ ၆ ယောက်စလုံးကို ဖမ်းဆီးရမိပြီဖြစ်ပါတယ်။ မီးလျံနာရွှေဆိုင်အား ဓါးပြတိုက်သူတွေဆီက အရည်ကျိုထားတဲ့ရွှေတုံး ၄တုံး၊ ရွှေဟန်းချိန်း ၂ ကုံး (စုစုပေါင်း ၁၅ ကျပ်ခန့်)၊ Redmi ဖုန်း Handset ၂ လုံး၊ နိုင်ငံသားစိစစ်ရေးကတ်၊ ၉/ခမစ(နိုင်) ၀၂၀၆၈၉ ၊ အမည် မျိုးခိုင် ကတ် ၁ ခု၊ နိုင်ငံသားစိစစ်ရေးကတ်၊ ၉/ခမစ(နိုင်) ၀၄၈၂၇၅၊ အမည် ၊ ဝင်းဇော် ကတ် ၁ ခု၊ ယာဥ်မောင်းလိုင်စင် (မျိုးခိုင်အမည်) ၁ ခု၊ ဘေးလွယ်အိတ် အမဲရောင် ၁ လုံး၊ သင်္ဃန်း ၁ စုံ တို့ကို သိမ်းဆည်းရမိတယ်လိုမန္တလေးတိုင်းရဲတပ်ဖွဲ့ကနေ သိရပါတယ်။ လက်ရှိမှာ မီလျံနာရွှေဆိုင်ကို ဓားပြတိုက်သူ ခြောက်ယောက်လုံးကို မန္တလေးတိုင်းရဲတပ်ဖွဲ့ရုံးမှာ ဖမ်းဆီထိန်းသိမ်းထားပြီး ကျန်ရှိနေတဲ့ ပစ္စည်းတွေကို ဆက်လက်ရှာဖွေဖော်ထုတ်သွားမှာဖြစ်တယ်လို့ သိရပါတယ်။ ဓားပြတိုက်သူ ၆ ယောက်ထဲက ပြစ်ချက်ဟောင်းတွေ ရှိခဲ့ဖူးသူတွေလည်း ပါဝင်တယ်လို့သိရပါတယ်။ ဖြစ်စဥ်ဟာ ဇူလိုင်လ ၂၀ ရက်နေ့ ညနေပိုင်းက မနော်ဟရီလမ်းအတိုင်း ဆိုင်ကယ် ၃ စီးနဲ့ လူ ၆ ဦးရောက်ရှိလာကာ အမည်မသိ လူ ၁ ဦးက သေနတ်အတို ၁ ချက် ပစ်ဖောက်ဝင်ရောက်ခဲ့ပြီး ကျန်အမည်မသိ လူ ၃ ဦးမှ ဆိုင်အတွင်းဝင်ရောက်ပြီးကောင် တာ ၂ ခုကမှန်တွေကိုပုဆိန်နဲ့ရိုက်ခွဲပြီး ရွှေဆွဲကြိုး (၉၄) ကုံး၊ အလေးချိန် ၈၀ ကျပ်သားခန့်၊ တန်ဖိုးငွေကျပ် သိန်း ၅၅၂ဝ ခန့်၊ ရွှေဟန်းချိန်း (၄၆)ကွင်း၊ အလေးချိန် ၁၅ ကျပ်သားခန့်၊ တန်ဖိုးငွေကျပ် ၁ဝ၃၅ သိန်းခန့်၊ ရွှေလက်ကောက် (၁၇) ကွင်း၊ အလေးချိန် ၅ ကျပ်သားခန့်၊ တန်ဖိုးငွေကျပ်သိန်း ၄ဝဝခန့် စုစုပေါင်း ရွှေချိန် ၁ ပိဿာခန့်(တန်ဖိုးငွေကျပ် ၆၉၅၅ သိန်းခန့်)တို့ကို ဓားပြတိုက်လုယူထွက်ပြေးခဲ့တာဖြစ်ပါတယ်။ တရားခံ ထက်ဝေကျော် ၃ဝနှစ်၊ ဗမာ/ဗုဒ္ဓ၊ ကျောက်ဖြတ်လုပ်ငန်း၊၃၅ လမ်း ၉ဝ လမ်းထောင့်၊ ရတနာစုရပ်၊ ဒေးဝန်း အနောက်ရပ်ကွက်၊ ချမ်းအေးသာစံ မြို့နယ်နေသူအား ချမ်းအေးသာစံမြို့နယ်၊ ဒေးဝန်းအနောက်ရပ်ကွက်၊ ရတနာစုရပ်၊၃၄x၃၅ လမ်းကြား၊ သင်္ဂဇာချောင်းဘေးတွင် တွေ့ရှိဖမ်းဆီးရမိခဲ့တယ်လို့ သိရပါတယ်။ တရားခံ အောင်ကျော်ဇော(ခ)အောင်ကျော် ၃၃ နှစ်၊ ၉/ခမစ(နိုင်) ၃၀၈၁၆၄၊ ဗမာ/ဗုဒ္ဓ၊ကျောက်အရောင်းအဝယ်၊ ရွှေဂဲရပ်ကွက်၊ အမရပူရမြို့နယ် နေသူ တရားခံကို ချမ်းမြသာစည်မြို့နယ်၊သံလျှက်မှော်တောင်ရပ်ကွက်၊ Golden ကန်တော်ကြီး တည်းခို ခန်းတွင် ရောက်ရှိနေကြောင်း သိရှိရတာကြောင့် သွား ရောက်စုံစမ်းဖမ်းဆီးခဲ့ရတယ်လို့ သိရပါတယ်။ တရားခံ ကောင်းခန့်ကျော်၊ ၂၁ နှစ်၊ ၉/ခမစ(နိုင်) ၁ဝ၈၁၆၅၊ဗမာ/ဗုဒ္ဓ၊ ကျောက်လုပ်ငန်း၊ အောင်သိဒ္ဓိဓမ္မာရုံ၊ ဧရာထွန်း(၁)၊ (ဆ) ရပ်ကွက်၊ချမ်းမြသာစည်မြို့နယ်နေသူ ကိုလည်း Golden ကန်တော်ကြီး တည်းခိုခန်း ကနေပဲ ဖမ်းဆီးရမိခဲ့တာဖြစ်ပါတယ်။ တရားခံ ရှိုင်းကို (ခ)ငရှိုင်းကို ဆက်လက်စစ်ဆေးခဲ့ရာ ၎င်းနှင့် အတူ ပြစ်မှုကျူး လွန်ရာတွင် ပါဝင်သူ ကျော်စိုးဝင်းကို အောင်မြေသာစံမြို့နယ်၊စံပယ်အိမ်ရာ၊ တိုက်အမှတ်(၂)၊ အလယ်ဆောင်၊ အခန်းအမှတ်(၆၇)တွင် ရောက်ရှိနေကြောင်း သတင်းအရ သွားရောက်ရှာဖွေဖမ်းဆီးရာ ၂၃ ၁၅ အချိန်တွင် တရားခံကျော်စိုးဝင်း အား ၎င်း၏ နေအိမ်အခန်းမှာ တွေ့ရှိဖမ်းဆီးရမိခဲ့တယ်လို့သိရပါတယ်။ သိန်းမြင့် (ခ) ရွှေဘိုမောင်နိုင်(ခ)မျိုးခိုင်(ခ)ကိုနိုင်အား ပဲခူးတိုင်းဒေသကြီး၊ ပဲခူးမြို့၊ဘုရားကြီးရပ်ကွက်၊ ဘုရားကြီးလမ်းဆုံ မီးပွိုင့်အနီးတွင် ဖမ်းဆီးရမိခဲ့သဖြင့် ပဲခူးတပ်ဆွယ်ရုံးတွင် ထိန်းသိမ်းထားတယ်လို့သိရပါတယ်။ အမှုမှ ပြစ်မှုကျူးလွန်သူ တရားခံတွေ ဖြစ်တဲ့ ထက်ဝေကျော်၊ ရှိုင်းကို(ခ)ငရှိုင်း၊ အောင်ကျော်ဇော (ခ) အောင်ကျော်၊ ကောင်းခန့်ကျော်နှင့် ကျော်စိုးဝင်း တို့ (၅)ဦးအား တိုင်းဒေသကြီးမှုခင်းအကူဌာနစု၌ အသေးစိတ် ဆက်လက်စစ်ဆေးဆောင်ရွက်နေပြီး တရားခံ သိန်းမြင့် (ခ)ရွှေဘိုမောင်နိုင်(ခ)မျိုးခိုင်(ခ)ကိုနိုင်အား သွားရောက်ခေါ်ဆောင်နိုင်ရေးစီစဉ်ဆောင်ရွက်နေတယ်လို့ သိရပါတယ်။ ဓားပြတိုက်သူတွေကို အမှတ်(၁၁)နယ်မြေရဲစခန်း က (ပ)၁၁၄ /၂၀၂၆၊ ရာဇသတ်ကြီးပုဒ်မ ၃၉၅ နဲ့ အမှုရေးဖွင့်ဆောင်ရွက်ထားတယ်လို့ သိရပါတယ် #voiceofmyanmar #vom #mandalay #ရွှေဆိုင် #ဓားပြမှု

မင်းမင်း ထီလာ

Open In TikTok:

Region: MM

Friday 24 July 2026 08:38:53 GMT