@razezindagi: اے میری شریکِ حیات مجھے نہیں معلوم محبت کا صحیح مطلب کیا ہوتا ہے، مگر اتنا ضرور جانتا ہوں کہ تم جیسے بھی رہو، میری نظر میں ہمیشہ خوبصورت رہو گی۔ تم اگر پرانے کپڑے بھی پہن لو تو بھی مجھے لگتا ہے جیسے دنیا کی سب سے قیمتی پوشاک تم نے پہن رکھی ہو۔ اگر تمہارے جوتے ٹوٹے ہوئے ہوں، اگر تم بےترتیب بالوں کے ساتھ میرے سامنے آ جاؤ، اگر تمہارے چہرے پر کوئی سنگھار نہ ہو، تب بھی میری نظر تم سے ہٹنے کا نام نہیں لے گی۔ مجھے تمہارے چہرے پر میک اَپ سے زیادہ تمہاری معصوم مسکراہٹ پسند ہے، مہنگی خوشبوؤں سے زیادہ تمہاری اپنی خوشبو، اور قیمتی زیورات سے زیادہ تمہارے ہاتھوں کی سادہ سی چوڑیاں۔ ایک دن جب اللہ ہمارے حالات بہتر کر دے گا، تب میں تمہارے لیے خوبصورت لباس لاؤں گا، نرم سی سینڈل، چوڑیاں، بالیاں اور تمہاری پسند کی ہر چیز خریدوں گا۔ مگر یہ سب اس لیے نہیں کہ تم خوبصورت لگو... بلکہ اس لیے کہ مجھے تمہاری ہر چھوٹی سی خواہش پوری کر کے خوشی ملے گی۔ میں چاہتا ہوں کہ ایک دن تم آئینے کے سامنے کھڑی ہو کر خود کو دیکھو، اور میں خاموشی سے تمہیں دیکھتا رہوں۔ پھر میں تمہارے قریب آ کر آہستہ سے کہوں: "دیکھو... یہ لباس تم پر خوبصورت نہیں لگ رہا، بلکہ تم نے اس لباس کو خوبصورت بنا دیا ہے۔" اور اگر کبھی ہمارے حالات ایسے ہوں کہ تمہیں برسوں ایک ہی جوڑا پہننا پڑے، تب بھی میری محبت میں ذرہ برابر کمی نہیں آئے گی۔ کیونکہ میں نے تم سے تمہارے کپڑوں، زیوروں یا سنگھار سے محبت نہیں کی... میں نے تمہاری سادگی، تمہاری حیا، تمہارے دل اور تمہاری موجودگی سے محبت کی ہے۔ تم سادہ رہو یا سج جاؤ... میری نظر میں تم ہر حال میں میری دنیا کی سب سے حسین عورت رہو گی۔ #virlvideo #foryoupagee #Fypp

رازِ زندگی

Open In TikTok:

Region: PK

Friday 24 July 2026 10:01:35 GMT