#الشعب_الصيني_ماله_حل😂😂 #حريقة🔥 #حريق في موضوع يوجع القلب والله العظيم ، بتكلم فيه بكل حرقة وشفافية . مع لاهوب الصيف وارتفاع درجات الحرارة اللي تنشف الريق ، صرنا نسمع كل يوم والثاني عن فاجعة حريق بيت راح ضحيتها أطفال بعمر الزهور . طيور بالجنة إن شاء الله ، بس وجعهم بقلوب أهاليهم ما ينسي أبد . والمؤلم صدق؟ إن أغلب هذه الحوادث كان يعتقد أصحابها إنها "ما تصير إلا لغيرنا"! خلونا نكون صريحين ، الأسباب دايم نكررها ونعرفها : ١ ترك مراوح الشفط شغالة بالساعات: مراوح الشفط في دورات المياه والمطابخ تتجمع عليها الزيوت والغبار ، ومع التشغيل المستمر يحمى الدينمو ، وتذوب البلاستيكات المجاورة وتشب نار في السقف من فوق وأنتو ما تدرون . ٢ أسلاك الشواحن التجارية (غير الأصلية): شواحن رخيصة تنشرى من أقرب بقالة ، تنحط تحت المخدة أو على السرير وتترك موصولة بالكهرباء طول الليل ، تسخن وتنفجر بثواني . ٣ توصيلات كهربائية مغشوشة: نشتري رخيصة ونشبك عليها الفريزر والمكواة والشواحن مع بعض ، والنتيجة؟ التوصيلة تذوب وتشب ، ٤ مكيفات شغالة 24 ساعة: كرف مو طبيعي مع حرارة الجو ، وإذا ما فيه صيانة؟ يصير التماس كهربائي بلمح البصر . ٥ تسريب غاز: ساهين عنه أو سدادة الفرن ماهي مصكوكة زين . بس المصيبة الكبرى والخطأ الفادح؟ إن بيوتنا فاضية من أجهزة الإنذار وطفيات الحريق ، نشتري أثاث بعشرات الآلاف ، ونستخسر كم ريال في "كاشف دخان" ممكن ينقذ الروح . الحلول والواجبات اللي لازم تتسوى الحين بدون تأجيل: أولاً اطفئوا مراوح الشفط بعد الاستخدام: لا تتركون مراوح الشفط شغالة إذا طلعتوا من البيت أو نمتوا ، ونظفوها من الغبار والزيوت بشكل دوري عشان ما تحمى وتنحرق . ثانياً اقطعوا الشواحن التجاريّة فوراً: لا تشتري إلا شواحن وأسلاك أصلية ومعتمدة ، وافصل الشاحن أول ما تخلص ، واحذروا ثم احذروا من شحن الجوال وهو على السرير أو تحت المخدة . ثالثاً ركب كاشف الدخان (منبه الحريق): هذا مو كماليات ، هذا هو "المنقذ الأول" بعد الله ! يصحيكم من أعمق نومة قبل يتمدد الحريق وتخنقكم الأدخنة . رابعاً وفّر طفاية حريق بكل دور: حط طفاية حريق في المطبخ وقريب من الصالة ، وتأكد إن الكبار بالبيت يعرفون يفكّون مسمار الأمان ويستخدمونها . خامساً غير التوصيلات الرديئة وصيانة التكييف والغاز: استثمر بتوصيلات أصلية ، نظّف فلاتر المكيف ، وافحص خرطوم الغاز واقفل الأسطوانة قبل النوم أو الخروج . يا أهالينا . انتبهوا وتداركوا الوضع ! أطفالكم أمانة برقابكم ، والوقاية والحرص ما يعني الخوف ، بل يعني العقل والحكمة . لا تنامون وتخلون مراوح شفط أو شواحن أو توصيلات مضغوطة شغالّة ، ولا تستهينون بوجود طفاية وكاشف دخان . فقدان قطعة من روحك عشان كسل أو استرخاص . جرح ما يبرى طول العمر . تكفون شيكوا على بيوتكم ومراوح الشفط وشواحن عيالكم اليوم قبل بكرة ، والله يحفظكم ويحفظ عيالكم وأحبابكم من كل شر . - @abdulmajeed_y18