کسی کو بے عزت کرنے کے لیے الفاظ کی ضرورت نہیں ہوتی لہجہ بدل دینا، نظریں پھیر لینا، اور جواب دیر سے دینا یا دینا ہی نہیں، یہی کافی ہے۔ ہم سمجھتے ہیں کہ بے عزتی صرف اونچی آواز میں کہی گئی بات یا سخت الفاظ سے ہوتی ہے۔ مگر حقیقت اس سے مختلف ہے۔ سب سے زیادہ تکلیف دہ تذلیل وہ ہوتی ہے جو خاموشی سے اپنے رویوں سے کی جائے۔ جب کوئی آپ سے بات کرتے ہوئے اچانک لہجہ بدل دے، جب آپ کی طرف دیکھنا چھوڑ دیا جائے یا نظر ملا کہ بات ہی نہ کی جائے، یا جب آپ کے سوال کا جواب جان بوجھ کر تاخیر سے دیا جائے یا دیا ہی نہ جائے، تو الفاظ کے بغیر بھی ایک واضح پیغام پہنچا دیا جاتا ہے کہ آپ اہم نہیں ہیں۔ ہر انسان کے اندر احساس ہوتا ہے جو یہ بھانپ لیتا ہے کہ سامنے والا اسے نظرانداز کر رہا ہے۔ آپ نے خود بھی محسوس کیا ہوگا کہ کسی مقام پر جب آپ کی بات کا جواب سرسری انداز میں دیا گیا، یا آپ کو جواب دینے کے قابل ہی نہیں سمجھا گیا، تو تکلیف الفاظ سے کہیں زیادہ گہری تھی۔ یہ خاموش رویے دراصل ایک پیغام ہوتے ہیں، اور غیرت مند انسان یہ پیغام صاف سمجھ جاتا ہے۔ اکثر ہم خود بھی، جانے انجانے میں، یہی رویہ کسی اور کے ساتھ دہرا دیتے ہیں۔ جب ہم کسی سے ناراض ہوں یا اسے کم اہمیت دینا چاہیں، تو ہم چیخنے چلانے کی بجائے خاموشی، بے التفاتی اور سرد رویے کا سہارا لیتے ہیں، کیونکہ یہ زیادہ مؤثر طریقہ ہے کسی کو یہ احساس دلانے کا کہ وہ غیر اہم ہے۔ یہی خاموش تذلیل رشتوں میں دراڑ کی سب سے بڑی وجہ بنتی ہے۔ سب سے افسوسناک بات یہ ہے کہ ایسے رویے اکثر بغیر کسی جھگڑے کے، بغیر کسی الزام کے، انسان کی عزتِ نفس کو چپکے سے مجروح کر دیتے ہیں۔ اور جو زخم خاموش رویوں سے لگے، وہ اکثر زیادہ دیر تک رہتا ہے۔ کیا آپ نے کبھی غور کیا کہ آپ کا اپنا خاموش رویہ، کسی اور کے دل میں کیا اثر چھوڑ رہا ہے؟ اگر یہ تحریر آپ کے دل کو چھو گئی ہو تو اسے شیئر کریں، شاید کسی کا رویہ بدل جائے۔ تحریر: وقاص صدیق | حرف ہنر اور احساس Follow & Promote #وقاص_صدیق #حرف_ہنر_اور_احساس #UrduLiterature #Tone #emotionalhealth - @waqas.siddiqueofficial