@raoufbenkhalifa5: 🦷 بالنسبة لهاد الفيديو حبيت نوضح شوية نقاط مهمة: أولًا، الماتريال لي ذكرتهم ماشي كامل واش راح تحتاجو في طب الأسنان. كاين بزاف أدوات ومصاريف صغار يزيدو مع الوقت، بصح الهدف من الفيديو هو نعطيكم فكرة على أهم المشتريات لي لازم تحسبولها حساب، خاصة لي أسعارهم مرتفعة شوية. ثانيًا، الأسعار لي ذكرتها ماشي ثابتة. تقدر تختلف من ولاية لولاية، ومن كومبتوار لكومبتوار، وحتى مع الوقت تقدر تتبدل، لذلك خذوها غير كمرجع. ثالثًا، على الأقل في كليتنا وفي سرفيس مستشفى مصطفى باشا، كاين بزاف ماتريال متوفر. خاصة في TP تاع OC، تقدر تستعمل ماتريال السرفيس وما تشريش كلش. بصح مرات تضيع الوقت باش تلقاه، ولا يكون ناقص، ولهذا ناس بزاف يفضلو يشرو أدواتهم باش يخدمو مرتاحين وبماتريال نقي وخاص بيهم. وأخيرًا، هاد الفيديو يهدف فقط باش يعطيكم فكرة عامة على أهم المشتريات في بداية المشوار. مع الوقت راح تكتشفو بلي كاين أدوات ومصاريف أخرى تزيد تدريجيًا، وكل وحدة تبان بسيطة وحدها، بصح في الأخير يجتمعو ويولو مبلغ معتبر. ربي يوفقكم كامل، وإن شاء الله يكون الفيديو فادكم ولو بمعلومة بسيطة. وإذا عندكم أي سؤال، خليوه في التعليقات ونجاوبكم بكل سرور. 🤍🦷 #dz #dentist #طب #طب_اسنان #ziania

dr ghaouf

Open In TikTok:

Region: DZ

Friday 24 July 2026 17:43:19 GMT