@wardiid25: XEEBTA IYO XUSUUSAHA Waxaan taaganahy xeebta, hirarka badda iyo dayaxa waa laba saaxiib oo wada sheekaysanayo. Dayaxa toban jirka ah wuxuu iftiinkiisu ku milmay biyaha halka anigu xusuus iyo waayo aan jawaab dambe bixin la gaaxday. Hir walba oo xeebta ku soo dhacaya wuxuu dib ii xusuusinayaa maalmihii ugu quruxda badnaa. Maalmihii qalbigu uu degganaa, rajaduna ay fududayd, culeyskasta uu lahaa gaashaan aan laga soo gudbin,farxadduna aysan u baahnayn sabab weyn. Bal aan suureeyo, hir walba wuxuu u egyahy sidii xusuus soo laabatay, dayaxuna wuxuu u egyahy rajadii shalay oo cirka weli ka muuqata, balse aan dhulka marnaba ku soo degayn. Hir kasta oo badda kasoo dhacaya wuxuu ila soo qaadayaa magac aan afkaygu ku dhawaaqin, codad aan dhegahaygu maqli doonin, iyo wejiyo waqtigu iga qariyey. Wax walba way is beddeleen. Marka laga reebo xusuusta. Xusuusta ma gabowdo, mana dhimato, waxay ku nooshahay meel qalbiga ka mid ah. Dayaxa caawa wuu qurux badan yahay, sidii habeenno badan oo hore u ahaan jiray. Laakiin quruxdiisu ma bogsiin karto booskii ay ka tageen dadkii iyo waayihii aan jeclaa. Waqtigu wax walba qaato, balse wuu ka tago xanuunka xusuusta. Sida hirarka badda oo aan marna dib ugu noqon halkii ay ka yimaadeen, ayay waayaheennii quruxda badnaa iyaguna u gudbeen. Waxay ka tageen raad aan hir iyo dabayl toona tirtiri karin. Waxaan aqbalay in maalmaha qaar aan dib loo heli doonin. Laakiin qalbigu mar walba wuxuu dib u eegi doonaa habeenkii uu dayaxu hirarka badda la sheekaysanayay, isagoo aamusan, qiiro leh, kana warramaya waayo aanan mar dambe rajo ka qabin inay soo noqdaan. Berri qorraxdu soo bixi doonto, hirarkuna sidii caadiga ahayd u iman doonaan xeebta. Laakiin aysan jirin hir dib u soo celin kara maalmihii naga tegay, iyo inuusan jirin dayax iftiinkiisu dib u soo noolayn karo waayo dhammaaday. #music #somalitiktok#memoriesbringback