@khaledshark27: بقالى فترة بفكر كتير... يمكن أنا مفشلتش... يمكن ربنا بس لسه ما كتبليش رزقي هنا. كنت فاكر إن فيه ناس هتفضل تشجعني وتكون واقفة في ضهري. في الأول كان فيه دعم، لكن مع الوقت بقيت أنزل أي حاجة أعملها، وألاقي ناس كانت بتدعمني بقت تعدي عليها من غير حتى لايك... ما عدا أهلي، دول عمرهم ما بخلوا عليا بالدعم، وربنا يخليهم ليا. وبرغم كده، فيه ناس هفضل شاكر ليهم طول عمري. حتى لو ربنا كرمني وبقيت في مكانة كبيرة، عمري ما هنسى الناس اللي شجعتني، ولا الناس اللي كانت بتزعقلي وتشد عليا. يمكن وقتها كنت بزعل، لكن دلوقتي فاهم إنهم كانوا خايفين أشوف الفشل، وكانوا عايزيني أبقى أحسن. أنا لسه ما وصلتش، ولسه قدامي طريق طويل، ويمكن الطريق أصعب مما كنت متخيل... بس بقيت حاسس إن البيئة دي مش مكاني، وإن رزقي يمكن مستنيني في حتة تانية. نفسي أبدأ من الصفر في مكان محدش يعرفني فيه... مكان الناس تعرفني فيه من شغلي، مش من اسمي، ولا من أنا جيت منين. ولو في يوم أخدت قرار أمشي... فمش هيكون هروب، هيكون عشان أدور على المكان اللي ربنا كاتبلي فيه رزقي. وأوعد نفسي قبل أي حد... لو مشيت، مش هرجع غير وأنا محقق اللي خرجت عشانه. لأن اللي بحلم بيه مش حلم صغير، واللي نفسي أوصله كبير جدًا. ويمكن الطريق يطول، ويمكن أتعب، لكن الرجوع قبل ما أوصل مش خيار بالنسبة ليا. ادعولي ربنا يكتبلي الخير ويوفقني للطريق اللي فيه رزقي. #khaled
