@00.45.232: HADDII.! Haddii la i weydiin lahaa halka ay ka bilaabato geesinimadu ma aanan dheheen waa in la iska celiyo cadawga muuqda waxaan dhihi lahaa waa in qofku uu iska celiyo beenta naftiisa. ​Haddii la ii oggolaado in aan doorto cid aan la noolaado waxa aan dooran lahaa dad wanaaggana u arka waajib ballantana u arka cibaado Dad aan ka baqayn inay qirtaan khaladkooda oo aan ka xishoon inay Cafiyaan Dad u nool si dhab ah oo aan u noolayn si loo arko ​Riyadaydu ma noqon lahayn kaliya dhul cagaaran iyo webiyo qulqulaya riyadaydu waxay noqon lahayd bulsho qalbigeeddu ka barwaaqo badan yahay dhulkeeda Dhul lagu wada noolyahay si miyir leh oo aan la moodin in la nool yahay Dhul qofku aanu qof kale ka caaro dheerayn balse uu ka cabsado inuu qalbigiisa dhaawaco Dhul eraygu miisaan leeyahay aamuskuna xushmad ​Haddii aan cabsado ma ka cabsan lahaa dhimasho waxa aan ka cabsan lahaa in aan qalbi i jeclaa ku reebo su’aalo aan jawaab lahayn Waxa aan ka cabsan lahaa ballan aan jebiyo ama eray aan si fudud u dhaaho oo si qoto dheer u dhaawaco Qofka xanuunka uu Kaso Baxo Dareemadiisa.! ​Haddii la i weydiiyo" Maxaad nolosha ka baratay...? ​Waxaan odhan lahaa Noloshu ma beddelanto marka aad hesho hanti cusub waxay bedelantaa marka aad hesho aragti cusub Dunidu maaha meel lagu tartamo waa meel lagu tijaabiyo qofnimada Haddii noloshaadu tahay mid lagu jilayo masrax si dadka loo raali geliyo Maba noolaatid Laakiin haddii noloshaadu tahay mid aad runtaada ku dhex jirto xitaa haddii aad cidlo tahay waxaad tahay guuleyste.

.❤️‍🩹

Open In TikTok:

Region: SO

Saturday 25 July 2026 07:12:48 GMT