ብዛዕባ ዛ ፊልም ዶ ገለ ክንብል ፡ ብ ኣማኑኤል ተኽለ ተደሪሳ ዝታኣለይት ፊልም ኤማሁስ ክሳብ ዛ ሳዓት እዚኣ 24 ሳዓት ኣይመለእትን ዘላ ክሳብ ከባቢ 40,000 ተዓዘብቲ ድማ ሪኦማ ኣለው። ፊልም ኤማሆስ ካብዛ ዘለው ናይ ሕጂ ፊልምታትና ፍልይ ብዝበለ ብናይ መንፈሳዊ መልክዕ ሒዛ ዝቀረበት ፊልም ኢያ ። ጀሚራ ክሳብ ትውድእ ብምግራምን ብተመስጦን ሓደ ድሕሪ ሓደ እንታይ የጋጥም እነበልካ ብሃንቀውታ ትወዳኣ ፊልም ኢያ ናይ ። መጅመርታ ካብ ዛንታ ጀሚርካ ኣታኣላልያ መረጻ ተዋሳእቲ ምስ ራኣኻያ ግዜ ዝፈሰሶ ዛንታን ኣታኣላልያን ሙዃኑ ይርዳኣኻ ። ካሜራ ማን ውን ብጣዕሚ ክድንቅ ዝግቦኦ ስእልታት ኣቅሪቡዩ ኣብ መፈጸመታ ንኩሉ ኤዲትን ምስ ሕብሪ ብምውህሃድ ነዛ ስራሕ ዘጻፈፈ ክምስገን ዝግቦኦ ኢዩ ። ካብዛ ፊልም እንታይ ኢና ክንምሃር ፣ ካብዛ ፊልም መንፈሳዊ ሂወትን ኣብ ሂወትካ ካብ ኣምላክ ብምርሓቅካ ጥራይ ማዓረ ክንደይ ፈተናታትን መከራን ይገጥሙካ ባኣንጻሩ ናብ ኣምላኻ ተተጸጊዕካ ድማ ወላ እቲ ከቢድ ትብሎ ነገር ከም ፍቃድ ኣምላኽ ከም ዝፍታሕን ኩሉ ከም ዝዕረን ትምህረና ። ኣብ መወዳእታ ክብሎ ዝደሊ ድማ ከምዚ ዛኣመሰለ ፊልምታት ኣብ ዩትዩብ ብናጻ ክረአ የብሉን ምኽንያቱ ከምዚ መመሊሶም ብዝበለጸ ስራሕ ምእንታን ክመጹና ዝግቦኦም ክረክቡ ኣለዎም ዝብል ሓሳብ እኳ እንተመጸለይ ድሒሩ ግና መንፈሳዊት ፊልም ብሙዃና ማንም ሰብ ብዘይገንዘብ ክሪኣን ክምሃረላን ኣለዎ ብዝብል ቀይረዮ ። ንኩሉ ሰብ ድማ ክሪኣን ክምሃረልና ዕድመ የቅርብ ! PISHON MEDIA 25/07/2026 @Amaniel Tekle7 - @pishonmedia