@abdalghafourlaoua6: توحشتك يا يما.. توحشتك بزاف و فراقك هدنّي و ما قدرت نصبر عليه. صورتك بين عينيا ما راحتش و ما ريحاش تروح من بالي، و الندامة راهي تاكل في قلبي على كل دقيقة و كل لحظة عشتها بعيد عليك. ما شبعتش منك يا يما، و ما شبعتش من حنانتك. ​توحشت هاديك الضحكة اللي كانت تضوي عليا الدنيا، و توحشت قصايرك و مزاحك معايا. الدنيا بلا بيك ولات صامطة و غاب منها كل شي شباب. كنتِ نعمة الأم، كنتِ الجنة نتاعي في الأرض. ​يا ربي و يا حنين يا كريم، ارحم يما برحمتك الواسعة، واغفر لها ووسع عليها قبرها. يا ربي اجعلها من أهل الجنة و برد على قلبي، و اعطيني الصبر على فراقها. ​ربي يرحمها و يثبتها، و يجعل مقامها الفردوس الأعلى #الله #اللهم #الصلاة #أمي #France