حصلت معدل عالي وتريد تدخل كلية الطب؟ 🩺🤎 قبل لا تسجل، أكو شغلات مهمة جدًا لازم تعرفها… لأن اختيار الكلية مو بس اسم الجامعة! **1️⃣ أسجل بمحافظتي لو محافظة ثانية؟** أهم نقطة لازم تعرفها هي أن **معدل كلية الطب خلال السنوات الست مهم جدًا لمستقبلك بعد التخرج.** لأن المعدل التراكمي يدخل بشكل مباشر في ترتيبك عند: • التعيين والتوزيع • الإقامة الدورية • التدرج • والأهم: **اختيار الاختصاص** وهنا لازم تنتبه لنقطة مهمة جدًا 👇🏻 ماكو شيء اسمه: "هذا الاختصاص معدله عالي، إذن لازم يكون صعب عليّ." الموضوع يعتمد بشكل كبير على **عدد المقاعد التي تفتحها الوزارة لمحافظتك**. مثلاً، إذا اختصاص الجلدية مرغوب جدًا، والوزارة فاتحة **مقعد أو مقعدين فقط** لمحافظتك، فاختيار الاختصاص يكون حسب التسلسل. يعني إذا أنت من الأوائل، والطالب اللي قبلك اختار جلدية، والطالب الثاني اختار جلدية… لما توصل إلك السرة ممكن تكون المقاعد خلصت، وتضطر تختار اختصاص ثاني حتى لو ما كان هو الاختصاص اللي تحبه. والأهم من هذا كله 👇🏻 **المعدل التراكمي يدخل بنسبة 30% من منافسة قبول البورد.** يعني لو أنت وشخص ثاني عندكم نفس درجة التنافسي، مثلاً **90**، لكن معدله التراكمي أعلى منك، ممكن هو يحصل ترتيب أعلى منك وينقبل، وأنت لا. لهذا السبب: **لا تستهين بالكلية اللي تعطي درجات جيدة.** ممكن تكول: "حلمي أدخل كلية فلان، وما أريد غيرها." لكن إذا عندك خيار بين كلية معروفة بالتشدد وكلية ثانية تساعدك تحصل معدل أعلى، فكر بالمستقبل كله، مو فقط باسم الكلية. أكو كليات معروفة بأن درجاتها مو عالية جدًا، مثل **الكندي، حمورابي وغيرها**، وأكو فيديو بالحساب يتكلم عن هذا الموضوع بالتفصيل، شوفه قبل التسجيل. 💡 **نصيحتي:** قبل ما تختار كلية، لا تعتمد على كلام الطلاب بشكل عام. روح اسأل **طلاب الطب في نفس الكلية** عن نظام الدرجات، وصعوبة الامتحانات، وطريقة التصحيح. والأفضل تسأل **طالب من الأوائل على دفعته**؛ لأن عنده صورة أوضح عن مستوى الدرجات الحقيقي بالكلية. --- **2️⃣ بُعد الكلية عن بيتك** خليها ببالك: **كلما كانت الكلية أقرب وأسهل من ناحية المواصلات والسكن، كلما كان الأمر أسهل عليك.** خصوصًا إذا عندك خيار تروح لمحافظة ثانية وكلية معروفة بالتشدد، لا تتخذ القرار فقط لأن اسمها يعجبك. أنت راح تعيش ويا هذا القرار **6 سنوات**، مو سنة أو سنتين. السفر، السكن، المصاريف، التعب، والوقت… كلها أمور ممكن تأثر على دراستك ومعدلك. فلا تخلي اسم الجامعة وحده هو اللي يقرر. --- **3️⃣ انتبه لنظام الجامعة قبل التسجيل ⚠️** لا تختار الجامعات بشكل عشوائي، خصوصًا إذا كنت تفكر مستقبلًا بالنقل. لأن **نظام الجامعة ممكن يأثر بشكل كبير على إمكانية النقل والمرحلة اللي ترجع إلها.** مثلاً: انقبلت في الكندي، وما عجبتك الكلية، وكملت السنة الأولى، وبعدها قررت ترجع لمحافظتك وتنقل… ممكن حسب نظام الجامعة والنقل، **ترجع للمرحلة الأولى من جديد** بدل ما تكمل للمرحلة الثانية. وهذا موضوع مهم جدًا لازم تعرفه **قبل التسجيل، مو بعد ما تكمل السنة الأولى.** 📌 أكو فيديو بالحساب يشرح **أنواع أنظمة كليات الطب والنقل بينها** بالتفصيل، شوفه قبل ما تختار. --- **الخلاصة ❤️** اختيار كلية الطب مو بس: "أي جامعة اسمها أقوى؟" لازم تفكر بـ: ✅ معدل الكلية ✅ شدة التصحيح والامتحانات ✅ نظام الجامعة ✅ إمكانية النقل مستقبلًا ✅ بُعد الكلية والسكن والمواصلات ✅ تأثير المعدل على مستقبلك بعد التخرج ✅ فرصك في اختيار الاختصاص وقبول البورد **اختيارك اليوم ممكن يأثر على ترتيبك واختصاصك بعد 6 سنوات، فاختار بذكاء. 🩺🎓** وإذا عندك معدل عالي ومحتار بين أكثر من كلية، اكتبلي **معدلك + المحافظات أو الكليات اللي محتار بينها** وأساعدك تقارن بينهم #طب #سادسيون #medicalstudent #طب_الكندي #اكسبلور - @dr_mecid