@dodyhu2: خليني اقول ليك انو : ربنا ما شال البحر من قدام سيدنا موسى... لكن شق ليهو طريق في نصو وما خلّى البلح يقع في يد السيدة مريم... لكن قال ليها تهز النخلة، مع إنها كانت في أضعف حالاتها وما منع الحزن من أم موسى... لكن ربط على قلبها ووعدها إنو ولدها ح يرجع ليها وما منع العطش عن هاجر... لكن فجّر ليها زمزم من تحت رجلين رضيعها وما طفى النار قبل ما يدخلها سيدنا إبراهيم... لكن خلاها برد وسلام كل القصص دي بتورينا حقيقة واحدة... إنو ربنا ما وعدنا إنو الدنيا حتمشي على كيفنا، ولا إنو الطريق ح يكون مفروش بالورود لكن وعدنا إنو ما ح يخلينا براانا عشان كدا لو اتأخر عليك رزق، أو ضاقت بيك الدنيا، أو حسيت إنو كل الأبواب اتقفلت... أوعى تفتكر إنو ربنا ناسيك مرات التأخير حماية، ومرات الضيق تربية، ومرات الحاجة البتزعل منها اليوم هي ذاتها البتقول بعدها: "الحمد لله إنها ما حصلت" أوعى تقيس محبة ربنا ليك بسرعة تحقيق أمنياتك، لأنو ربنا شايف الصورة كلها، وإنت شايف جزء بسيط منها ممكن الحاجة البتستعجلها تكون فيها ضررك، والحاجة البتتأخر تكون هي الخير البتدعي بيهو من زمان اطمّن... ربنا ما بضيع تعب، ولا بينسى دمعة، ولا بيتجاهل دعوة طالعة من قلب مكسور. وكل وجع بتمر بيهو، وكل صبر بتصبرو، ربنا عارفو، وحيجي اليوم البتعرف فيهو ليه كل حاجة حصلت بالطريقة دي خليك ماسك في ربنا... لأنو الزول البكون الله معاه، حتى لو الطريق طال، في النهاية ح يوصل لخير أكبر من كان متخيلو #وكلهن_إحتمالين♥️

Dody🖤🖤

Open In TikTok:

Region: SD

Saturday 25 July 2026 14:23:24 GMT