@thailandanywhere: လွမ်းမောစရာတွေအပြင် သဘာဝအလှနဲ့ သမိုင်းကြောင်းတွေရှိတဲ့ မြို့ "ကန်ချနဘူရီ" 📍 တချို့မြို့တွေကို သွားရင် လှပတဲ့ ရှုခင်းတွေကို အရင်တွေ့ရတယ်။ တချို့မြို့တွေကတော့ စည်ကားတဲ့ မြို့ပြ ကို တွေ့ရတယ်။ ဒါပေမယ့် Kanchanaburi ကို ရောက်တဲ့အခါတော့ သမိုင်း ကို အရင်တွေ့ရပါတယ်။ 🚂 အထူးသဖြင့် သေမင်းတမန် ရထားလမ်းကြောင့် လူသိများတဲ့ သမိုင်းဝင် Bridge on the River Kwai ကို ရောက်တဲ့အခါမှာပေါ့။ 🕊️ ဒါဟာ ဒုတိယကမ္ဘာစစ်အတွင်း ထိုင်း-မြန်မာ ကူးသန်း ဆက်သွယ်ရေးအတွက် စစ်သုံ့ပန်းတွေနဲ့ အတင်းအကျပ် အလုပ်လုပ်ခဲ့ရတဲ့ အလုပ်သမား ထောင်ပေါင်းများစွာရဲ့ အမှတ်တရတွေကို ပြန်လည်သတိရစေတဲ့ မှတ်တမ်းတစ်ခုပါ။ 🤍 ဒီမြို့မှာ ခရီးသွားတာက Check-in လုပ်ဖို့သက်သက် မဟုတ်ပါဘူး။ အတိတ်က လူတွေရဲ့ ဘဝ၊ နာကျင်မှုနဲ့ ငြိမ်းချမ်းရေးရဲ့ တန်ဖိုးကို ခဏလောက် ရပ်ပြီး စဉ်းစားမိစေတဲ့ ခရီးတစ်ခုလည်း ဖြစ်ပါတယ်။ ဒါပေမယ့် Kanchanaburi က ဝမ်းနည်းစရာ သမိုင်းတွေပဲ ရှိတဲ့မြို့တော့ မဟုတ်ပါဘူး။ ⛩️ ဒီမြို့မှာ ထိုင်း၊ မွန်လူမျိုးနဲ့ တိုင်းရင်းသားမျိုးစုံ ယဉ်ကျေးမှုတွေ နှစ်ပေါင်းများစွာ အတူယှဉ်တွဲနေထိုင်လာကြတာကြောင့် ဘုရားကျောင်းတွေ၊ ရိုးရာအစားအစာတွေ၊ နေထိုင်မှုပုံစံတွေကလည်း ထူးခြားပါတယ်။ 🙏 အထူးသဖြင့် တောင်ပေါ်မှာ တည်ရှိတဲ့ Tiger Cave Temple (Wat Tham Suea) ကတော့ ကျားဂူဘုရားလို့ လူသိများတဲ့ အထင်ကရ ဘုရားကျောင်းတစ်ခုဖြစ်ပြီး အပေါ်စီးကနေ မြင်ရတဲ့ ရှုခင်းကြောင့် လာရောက်လည်ပတ်သူတွေ မဖြစ်မနေ သွားကြတဲ့ နေရာတစ်ခုပါ။ 🌧️ မိုးရာသီမှာ သမိုင်းဝင် တံတားကြီးပေါ်မှာ မြူခိုးတွေ တဖြည်းဖြည်း ဖုံးလာတာ၊ မြစ်ကမ်းဘေး ဘုရားကျောင်းက ခေါင်းလောင်းသံတွေ ခပ်တိုးတိုး ကြားနေရတာတွေနဲ့အတူ... Kanchanaburi က သမိုင်းစာအုပ်ထဲက မြို့တစ်မြို့ မဟုတ်တော့ပဲ အသက်ရှင်နေတဲ့ ယဉ်ကျေးမှုတစ်ခုလို ခံစားရလို့ Kanchanaburi က အလှတရားတစ်ခုတည်းကို ပြသတဲ့မြို့ မဟုတ်တော့ပါဘူး။ အတိတ်ကို မမေ့ဘဲ သိမ်းဆည်းထားရင်း၊ ယဉ်ကျေးမှုတွေကို ဆက်လက် အသက်ရှင်စေတဲ့ မြို့တစ်မြို့လည်း ဖြစ်ပါတယ်။ 🚗 ဒီလို ကန်ချနဘူရီ ရဲ့ အလှတွေကို အပြည့်အဝ ခံစားချင်ရင် ကိုယ်ပိုင်အစီအစဉ်နဲ့ ကားနဲ့လည်ပတ်တာက အကောင်းဆုံးပါ။ 🚗 Bangkok ကနေ Kanchanaburi အထိ Thailand Anywhere မှာ ကားငှားဝန်ဆောင်မှုကို အလွယ်တကူ Booking လုပ်နိုင်ပြီး ကိုယ့်အစီအစဉ်နဲ့ လွတ်လပ်စွာ ခရီးသွားနိုင်ပါတယ်။ Photos Crd To @d.rrnchg, @inwanderment, @travelmania1980, @h.b.visual #ThailandAnywhere #Kanchanaburi #RiverKwai #DeathRailway #ThailandHistory

Thailand Anywhere

Open In TikTok:

Region: TH

Saturday 25 July 2026 14:34:44 GMT