@mohammed_xarbi: Kal-fadhiga 1-aad ee Golaha Fulinta DDS ee sanad-miisaaniyadeedka 2019-ka T.I ayaa lagu ansixiyey miisaaniyadda guud ee Deegaanka oo dhan 108.9 bilyan oo birr, iyadoo 51% miisaaniyadda laga daboolayo dakhliga gudaha ee Deegaanka, waxaana sidoo kale lagu meel mariyey ajendayaal kale duwan Kal-fadhiga, oo uu guddoominayey Madaxweynaha DDS, Mudane Mustafe Muxumed Cumar, ayaa Golaha Fulintu ku ansixiyey qodobadan: 1. Warbixinta waxqabadka Xukuumadda DDS ee sanad-miisaaniyadeedka 2018 T.I. 2. Bayaanka meel-marinta miisaaniyadda DDS ee sanad-miisaaniyadeedka 2019 T.I. oo sanadkan dhan 108.9 Bilyan oo birr taas oo korodhay 45% marka la bar-bardhigo sanadii hore 3. Bayaanka wax-ka-beddelka Bayaanka Canshuurta Dakhliga ee DDS. 4. Bayaanka aqoonsiga iyo ilaalinta Xabsiga Dhexe ee Deegaanka, oo loo yaqaanay Jeel Ogaadeen, si loogu asteeyo goob xusuus u ah tacaddiyadii ka dhacay ee loo geystay bulshada Deegaanka. Kadib dood iyo falanqayn ay Golaha Fulintu ka yeesheen ajendayaashan, isla markaana ay si rasmi ah u ansixiyeen, Madaxweynaha DDS, Mudane Mustafe Muxumed Cumar, ayaa bixiyey jihooyin iyo tilmaamo lagu xoojinayo hirgelinta qorshayaasha horumarineed ee xukuumadda, si loo dardargeliyo adeegyada bulshada.

Mohammed-xarbi

Open In TikTok:

Region: ET

Saturday 25 July 2026 16:22:21 GMT