@buddhishnews: ឧបនាយករដ្ឋមន្ត្រី ស៊ុន ចាន់ថុល៖ តំណាងពាណិជ្ជកម្មអាមេរិក(USTR)ចង់ឱ្យអត្រាពន្ធកម្ពុជាប្រហែលដៃគូប្រកួតប្រជែងក្នុងអាស៊ាន ខណៈច្បាប់វិនិយោគកម្ពុជា បើកចំហបំផុតក្នុងអាស៊ាន អនុញ្ញាតឱ្យកាន់កាប់កម្មសិទ្ធិ ១០០% និងលើកលែងពន្ធរហូតដល់ ៩ឆ្នាំ ភ្នំពេញ៖ ឧបនាយករដ្ឋមន្ត្រី ស៊ុន ចាន់ថុល បានថ្លែងថា «យើងមានសេចក្តីរីករាយយ៉ាងខ្លាំងចំពោះអត្រាដែលយើងទទួលបាននៅថ្ងៃនេះ ពាក់ព័ន្ធនឹងមាត្រា 301 ស្តីពីពលកម្មដោយបង្ខំ។ អត្រានេះមានចន្លោះពី 10% ដល់ 12.5% ប៉ុន្តែកម្ពុជាទទួលបានអត្រា 10%។ យើងកំពុងរង់ចាំសមាសភាគទីពីរ គឺសមត្ថភាពផលិតលើសតម្រូវការ។ ដូច្នេះ យើងសង្ឃឹម និងរំពឹងថា អត្រានោះនឹងមិនខ្ពស់ជាង 9% ទេ។ សមាសភាគទាំងពីរ គឺពលកម្មដោយបង្ខំ និងសមត្ថភាពផលិតលើសតម្រូវការ នឹងបូកបញ្ចូលគ្នាប្រមាណ 90% ឬតិចជាង 90% ដូចអ្វីដែលយើងបានព្រមព្រៀងគ្នានៅក្នុងកិច្ចព្រមព្រៀងពាណិជ្ជកម្មទៅវិញទៅមកជាមួយសហរដ្ឋអាមេរិក»។ លោកបានបន្តថា៖ «កម្ពុជាគឺជាប្រទេសដំបូងគេនៅលើពិភពលោក ដែលបានចុះហត្ថលេខាលើកិច្ចព្រមព្រៀងពាណិជ្ជកម្មទៅវិញទៅមក ឬ A.R.T. ជាមួយសហរដ្ឋអាមេរិក នៅថ្ងៃទី២៦ ខែតុលា ឆ្នាំមុន នៅពេលដែលប្រធានាធិបតី ត្រាំ បានធ្វើជាសាក្សីក្នុងពិធីចុះហត្ថលេខាលើកិច្ចព្រមព្រៀងសន្តិភាពរវាងកម្ពុជា និងថៃ នៅទីក្រុងកូឡាឡាំពួ។ ភ្លាមៗបន្ទាប់ពីនោះ លោកបានចុះហត្ថលេខាលើកិច្ចព្រមព្រៀង A.R.T. ជាមួយនាយករដ្ឋមន្ត្រីរបស់យើង»។ សូមទស្សនាកិច្ចសម្ភាសន៍ផ្តាច់មុខរបស់ ឧបនាយករដ្ឋមន្ត្រី ស៊ុន ចាន់ថុល ជាមួយសារព័ត៌មានអន្តរជាតិ Bloomberg ដោយមេត្រី។ សារព័ត៌មានពុទ្ធសាសនា BC News បានសម្រួលជាភាសាខ្មែរ (ក្រៅផ្លូវការ) ជូនលោកអ្នកទស្សនា ដើម្បីងាយស្រួលតាមដាន និងឈ្វេងយល់បន្ថែម។ សូមអរព្រះគុណ និងអរគុណ!

Buddhist News

Open In TikTok:

Region: KH

Saturday 25 July 2026 23:00:00 GMT