@ahmedyousif221: ويبقي الأثر | في الخوجلاب "ما"ما كنت رايق وساكن في صفا وتأمين... في الخوجلاب يا قلبي مني شالك مين." ❤️🎶 يا سلام على أبو صلاح... في بيتين بس، حكى لينا قصة زول كان عايش مرتاح، بالو رايق وقلبو ساكن. لكن أول ما شاف الحسناء في الخوجلاب، قلبو مشى معاهو، وبقى يسأل نفسو: "يا قلبي... مني شالك مين؟!" أبو صلاح ما كان بوصف جمال ساي، كان برسم لوحة كاملة قدامك. برق، وياسمين، ، ونسيم، وطبيعة كلها شاهدة على لحظة عشق ما بتتنسى. ولما وصل للأبيات دي: "برزن نهوده وعامن في الهواء مجاهدين وعلى هلاك العاشق ديمة مجتهدين صاح وهبة فاقد عقله كم جريح وطعين الناس جروحن تسعة... أنا لي جروح تسعين." كان قاصد يقول إن جمالها كان ظاهر وآسر لدرجة إنو خلا العشاق يفقدوا عقولهم، وكأن سحرها داخل معركة ضد قلوب المحبين، ما بخلي زول ينجو من سهام الهوى. والعاشق ذاته بقى يصرخ من شدة الوجع، شايف إنو وجعو ما زي وجع الناس... الناس عندها جروح، لكن هو شايل أضعافها. دي مبالغة شعرية جميلة، بتوريك كيف أبو صلاح كان بعبر عن الحب والشوق بصورة بتخلي السامع يعيش القصيدة كلمة كلمة. رحم الله الشاعر أبو صلاح، ورحم الفنان عثمان حسين، فقد خلّدوا لينا تراثًا غنائيًا وشعريًا سيظل حاضرًا في وجدان السودانيين. #الخوجلاب #أبو_صلاح #عثمان_حسين #الغناء_السوداني #الشعر_السوداني

♾️꧁♚ود مُطرب ♚꧂

Open In TikTok:

Region: SD

Saturday 25 July 2026 18:57:01 GMT