@amr.alqadeyah: ❤️ في ناس بتنجح بالمجموع... وفي ناس بتنجح بأخلاقها كمان. دي سما هاني المسلماني، الأولى على الثانوية الأزهرية (أدبي) بنسبة 99%. لما شيخ الأزهر بلغها إنها الأولى على الجمهورية، أول سؤال سألته كان: "نتيجة أختي سلمى ظهرت؟" سما ووالدتها رفضوا أي احتفال قبل ما يطمنوا على أختها التوأم. ولما عرفوا إن سلمى جابت 96%، الفرحة اكتملت وبقت فرحتين. ❤️ ولما اتسألت ليه عملت كده، قالت: "دي أختي وحبيبتي.. مقدرش أفرح من غيرها، ولو مكانتش حققت مجموع كويس، فرحتي مكنش هيبقى ليها طعم." سلمى بتحلم تدخل طب وتعالج غير القادرين، وسما نفسها تدخل حقوق وتدافع عن حقوق الناس. بجد.. دي النماذج اللي تستحق كل التقدير، لأن النجاح مش درجات وبس، النجاح الحقيقي أخلاق، وتربية، وقلب مليان حب للناس. ❤️🇪🇬👏

23144

296

2026-07-26 16:14:04

2026-07-26 14:12:21

To see more videos from user @amr.alqadeyah, please go to the Tikwm homepage.