Harmeen biyya alaalaa ilmoo ishee guddisuuf deemte. Ilmoonis waadaa otoo hin nyaatiin milkaa'insaan harmee ishee gammachiste ❤️🎓 Seenaa kana dubbisuun dura yeroo muraasaaf dhaabadhaa yaadaa! Haati tokko jirti. Haadha ogeetti fi tattaaffattuu, maqaan ishee Hawwii Adabaa jedhamti. Haati kun jireenya salphaa hin jiraanne. Rakkoo jireenyaa hedduu keessas kan darbite dha. Isheenis qananii ofii barbaaddee osoo hin taane, egeree gaarii ijoollee isheetiif jecha gara biyya alaa hojiif deemte. Mana namaa keessattis hojiishee yeroo dheeraaf itti fufte. Halkan hojii irraa dadhabdee yeroo boqochuu qabdu keessattis ilmaan ishee yaadachuun yaadan jajjeebisiti; guyyaa guyyaa immoo jireenya isaanii fooyyessuuf dadhabbiin hojjetti. Yeroo baay’ee haadholiin akkanaa ofii isaaniif osoo hin yaadin, milkaa’ina fi egeree ijoollee isaanii ijaaru irratti xiyyeeffatu. Hawwiinis akkasuma turte. Dadhabbiin ishee, imimmaan ishee, wareegamni ishee fi hojii ishee hundi guyyaa tokko bu'aa akka argatu amanuu dhanis itti fufte. Kunoo har'a amantiin ishee, abdiin ishee fi dadhabbiin ishee ija godhachuun, mucaan ishee Seenaa Kadir jedhamtu milkaa'inaa goonfattee eebbifamtee jirti. Kunis eebba Seenaa qofa osoo hin taane bu'aa waggoota dheeraa keessatti dadhabbii, wareegama, obsa, imimmaan fi abdii harmee isheeti. Taatee addaa guyyaa eebba ishee irratti ta'enis, harmeen ishee kan yeroo dheeraaf hojiif jechaa irra fagaattee turte, otoo Seenaan quba hin qabaatiin eebba ishee irratti argamuun jaalala fi gammachuu imimmaaniin guutameen mucaa ishee gammachiisuu dandeesseetti. Mucaan ishees harmee ishee kabajuuf, jaalala isheef qabdu ibsuuf, galata guddaa isheedhaaf qabdu mul'isuuf, uffata hojii harmeen ishee ittiin biyya alaalaatti mana namaa keessa baroota hedduuf keewwatte hojjechaa turte uffachuun wareegama fi dadhabbii harmeen ishee ishee guddisuuf goote yaadattee nu yaadachifte. Seenaan kanaan hin dhaabanne uffaata yeroo eebbaf keewwattes offirraa baasuun harmee ishee uffistee galata harmee isheef qabdus agarsiiste. Kun seenaa guddaa dha!#ethiopian_tik_tok🇪🇹🇪🇹🇪🇹🇪🇹 - @rabumamosisa0