@quran_zhyaan: ( الله) ئابەم شێوەیە لە تەوڕات و ئینجیل و قورئان وەسفی هاوەڵانی پێغەمبەرى خۆشەویستمان (ﷺ) دەكات كە سەرەتا لە كەمى و لاوازیەوە دەستیان پێكرد پاشان زۆربوون پاشان بە جوانترین شێوە بەهێز بوون و بوون بە باشترین یارمەتیدەری ئەم ئایینە، جا (الله) وا بەهێزی كردن كە كافران بە بینینى هاوەڵانی پێغەمبەر دڵیان پڕ لە ڕق و خەفەت دەبوو، جا هەربۆیە ئیمامی مالیك ئەم ئایەتەى خوێندەوە و وتی: هەركەس لە دڵیدا بەرامبەر بە یەكێك لە یارانی پێغەمبەر ڕق و كینەیەكی هەبێت بەری ئەم ئایەتە دەكەوێت كە (الله) ناحەزانی هاوەڵان بە كافر وەسف دەكات، دەی ئەو كەسە بەدڵنیاییەوە مەترسی كافربوونی لەسەرە، پێغەمبەریش (ﷺ) سەبارەت بە یارانی دەفەرموێ: {لَا تَسُبُّوا أَصْحَابِي فَلَوْ أَنَّ أَحَدَكُمْ أَنْفَقَ مِثْلَ أُحُدٍ ذَهَبًا مَا بَلَغَ مُدَّ أَحَدِهِمْ وَلَا نَصِيفَهُ /البخاري/ جنێو بە هاوەڵانم نەدەن، سوێند بەو كەسەى كە گیانى منى بە دەستە ئەگەر هەركام لە ئێوە بە ئەندازەى چیاى (ئوحود) چاكە بكات هێشتا ناگات بە ئەندازەى مشتێك چاكە كە هاوەڵانم كردویانە بگرە ناگەن بە نیوە مشتێكی ئەوانیش} بەڵام دوژمنانى ئایین كە داخ لە دڵن بۆ یارانی پێغەمبەرمان (ﷺ) سەبارەت بەو كەڵە پیاوە بەڕێزانە قسەى ناماقوڵ دەكەن لەكاتێكدا كە خودا خۆى شایەتى ڕاستی و چاكەكاری ئەوان دەدات؛ #قورئان #ئیسلام #تەوحید

قورئان.ژیان

Open In TikTok:

Region: IQ

Sunday 26 July 2026 15:46:24 GMT