@mostafa.zami: کاتێک دەڵێت "کیبریتی فرسەت"، چەندە بە ووردبینییەوە تەمەنی مرۆڤ وێنا دەکات. کیبریت تەنها تریشقەیەکی زۆر کورتە، بە چاوتروکانێک دادەگیرسێت و دەسووتێت و تەواو دەبێت. تا ئەو تریشقەیە لە دەستتایە، دەبێت «چرا»ی ئاگایی و نوری ناخت داگیرسێنیت. چونکە "شەوی یەلدا" لە پێشە کە ئاماژەیە بۆ شەوی درێژ و تاریکی گۆڕ و بێدەنگی و خۆری عومریش بەرەو ئاوابوون دەچێت. ئەگەر بەر لە ئاوابوونی خۆرت چراکەت دانەگیرساندبێت، لەو شەوە درێژەدا لە تاریکییەکی ڕەهادا دەمێنیتەوە. لە کۆتایی ڕێگاکەدا، چی لەسەر بەرزترین تەختی ئاسمان بنوویت و چی لەسەر خاکێکی ڕووت، هەردووکیان یەک حەقیقەتن و شوێنی هەموومان ژێر هەمان ئەو خاکەیە کە پادشا و گەدای لەخۆ گرتووە. بۆیە ئەوەی لەم سەفەرە کورتی تەقینەوەی ڕووناکییەدا بە نرخە، تەنها ئاگایی ناخە؛ چونکە کاتێک هەموو شتێک بەجێدەهێڵیت و دەچیتە ژێر خاک، تەنها ئەو ڕووناکییە لەگەڵتدا دەمێنێتەوە کە لە دڵتدا هەڵتکردووە، نەک ئەو هەورە پووچەی کە لێیت نابوو بە تەخت. ئەم دنیایە هیچ نییە جگە لە شانۆگەرییەکی پووچ و بێ‌مانا کە تێیدا هەموومان بە کوێرانە ڕۆڵێک دەگێڕین تەنها بۆ ئەوەی خەمەکانمان فەرامۆش بکەین. ئێمە تەمەنێک بە ڕاکردن و سوتانی دەروون بەڕێ دەکەین، هەوڵ دەدەین ناوبانگ، خۆشەویستی، یان مانایەک بۆ بوونی خۆمان دروست بکەین، کەچی لەپڕ ڕووبەڕووی دیواری سارد و بێبەزەییی مردن دەبینەوە کە تەواوی ئەم هەوڵانە دەکاتە گاڵتەجاڕییەکی تاڵ و هەموو شتێک دەسڕێتەوە. #شیعری_کوردی #kurdish_poetry #mostafa_zami #مەحوی

زامـی🖤

Open In TikTok:

Region: IQ

Sunday 26 July 2026 17:27:27 GMT