@santunsanhtun: ၁၉၅၃ ခုနှစ်၊ ဇူလိုင်လ ၁ ရက်နေ့တွင် မန္တလေးပန်တျာနှင့် အနုပညာသင်ကျောင်းကို စတင်ဖွင့်လှစ်ခဲ့သည်။ ကျောင်း၏ စတင်တည်ထောင်မှုတွင် ပညာရှိကြီး ရွှေပြည်ဦးဘတင်၊ ဦးခင်မောင်ဒွေး (ယောမင်းကြီး ဦးဘိုးလှိုင်၏မြေး)၊ စည်သူမောင်မောင်ကျော်နှင့် ဦးကိုလေး (မန္တလေးတက္ကသိုလ်ကျောင်းအုပ်ကြီး) တို့က ဦးဆောင်ခဲ့ကြသည်။ အဆိုပါကျောင်းအတွက် အမျိုးသမီးအကနည်းပြဆရာမ ရွေးချယ်ရာတွင် နန်းတွင်းအကပညာရှင် ဒေါ်ထွေးလေး၏ တပည့်ဖြစ်သူ၊ အီနောင်မင်းသား ကိုစံတုတ်ထံတွင် နန်းတွင်းအကများကို သင်ကြားခဲ့ဖူးသည့် ဒေါ်ဩဘာသောင်းကို ရွေးချယ်ခဲ့ကြသည်။ ထိုစဉ်က အကသင်တန်းအတွက် တိကျသော သင်ရိုးမရှိသေးသဖြင့်၊ ဆရာမကြီးသည် ရွာစားစိန်လှမောင်၏ ဗုံလေးလုံးသံစဉ်နှင့် ဒိုးချက်၊ ဒိုးကွက်များကို အခြေခံကာ အကကွက်များကို စနစ်တကျ တီထွင်ခဲ့သည်။ ဤသင်ရိုးကို ယဉ်ကျေးမှုဝန်ကြီး ဗိုလ်ခင်မောင်ကလေးက "ကဗျာလွတ်အက" ဟု အမည်ပေးခဲ့ခြင်းဖြစ်သည်။ အထက်ဖော်ပြပါအတိုင်း ကဗျာလွတ်အကရဲ့ သမိုင်းကြောင်းကို Wikipedia မှာ ရေးသားဖော်ပြထားတာကိုကြည့်ရင် ကဗျာလွတ်အကဆိုတာ လူပုဂ္ဂိုလ်တစ်ဦးတစ်ယောက်က တီထွင်ခဲ့တာ မဟုတ်ဘဲ ရှေးမြန်မာနန်းတွင်းအက တွေကို သိမှီခဲ့သူများအစဥ်အဆက် ထိန်းသိမ်းခဲ့တဲ့ အကပညာကို သင်ရိုးတစ်ခုဖြစ်အောင် စုစည်းပုံဖော်ပေးခဲ့တာဖြစ်ပါတယ်။ မြန်မာအကရဲ့ မူရင်းဇစ်မြစ်ကိုကြည့်ရင် အရပ်ဖက်ကနေ ထီးသုံးနန်းသုံးဖြစ်ခဲ့ပြီးမှ ပါတော်မူပြီးနောက် နန်းတွင်း အကပညာရှင်တွေ ပြန်နှံ့သွားရာကနေ ထပ်မံဖြည့်စွက် ပုံဖော်ချက်တွေ နဲ့ အတူ မြန့်မာ့သိုင်းပညာ အကွက်တွေကိုပါ ဖုံးကွယ် မြှုတ်နှံခဲ့တဲ့အတွက် လျှို့ဝှက်ချက်များစွာဖြင့် ပြည့်နှက်လို့နေပါတယ်။ #မြန်မာအက #သိုင်းပညာ #ကဗျာလွတ်ကကွက်များ #မြန်မာသမိုင်း #ပေါက်လောက်

3194

252

2026-07-27 15:48:34

2026-07-27 14:15:18

2026-07-27 15:48:26

2026-07-27 13:15:34

To see more videos from user @santunsanhtun, please go to the Tikwm homepage.