@vatandosh_koreya: 🔴 Janubiy Koreyada yashash manzillari tekshiruvlar boshlanadi 7-sentabrgacha fuqarolar va mamlakatda yashovchilar Government24 ilovasi orqali ro‘yxatda ko‘rsatilgan manzilda haqiqatda yashayotganini tasdiqlashi mumkin. 📱 Onlayn tekshiruv qanday o‘tkaziladi? Buning uchun: ▪️ ro‘yxatdan o‘tilgan uyda bo‘lish; ▪️ Government24 ilovasiga geolokatsiyadan foydalanishga ruxsat berish; ▪️ ilova orqali haqiqiy yashash manzilini tasdiqlash kerak. Bir manzilda ro‘yxatda turgan barcha oila a’zolari nomidan faqat bir kishi ma’lumotlarni tasdiqlashi mumkin. 📌 8-sentabrdan boshlab ilova orqali tekshiruvdan o‘tmaganlar yashaydigan manzillarga mas’ul xodimlar borib, ma’lumotlarni shaxsan tekshiradi. ⚠️ Jarima darhol qo‘llanmaydi Tekshiruv vaqtida uyda bo‘lmaslik yoki onlayn tasdiqlashdan o‘tmaslikning o‘zi avtomatik ravishda jarima solinishini anglatmaydi. Jazo faqat ro‘yxatdan o‘tish qoidalari buzilgani aniqlansa, holatga qarab belgilanadi. Masalan, fuqaro ro‘yxatda ko‘rsatilgan manzilda yashamasa yoki manzil haqidagi ma’lumotlar noto‘g‘ri bo‘lsa, javobgarlik masalasi ko‘rib chiqilishi mumkin. ✅ Jarima kamaytirilishi mumkin 2026-yilgi tekshiruv davomida ro‘yxatda ko‘rsatilgan manzili noto‘g‘ri ekanini o‘zi ma’lum qilib, ma’lumotlarni ixtiyoriy ravishda tuzatganlar uchun jarima miqdori 80 foizgacha kamaytirilishi mumkin. Shu sababli manzili o‘zgargan, ammo ro‘yxatdan o‘tish ma’lumotlarini hali yangilamaganlarga tekshiruv boshlanishidan oldin ma’lumotlarni to‘g‘rilash tavsiya etiladi. @vatandosh_koreya

Vatandosh KOREYA

Open In TikTok:

Region: UZ

Monday 27 July 2026 11:15:54 GMT