@m_2000_13: البارت116 بيناتنه اخو زينب لـو لـفظت كلمة ثانية بـ الـمرادد لـسـانـك هذا بـإيدي أگـصه"فزيت على صوت صفنت هذا منين يجي؟ عزاا نسيت رهف ع الجهاز رفعت الجهاز بسرعه وابتعدت عنهم كتلها عباس مسويله مصيبه وحايرين بيها واجاني صوت حور فززني كالت "شدعواكم عيني لييش هيج تحجون ويااا ديكللكم ذاك مايع وماتحمل طكه الزلم..وصفنت وكالت من ارووح فدوه للزلم لو هيج لو ماتنراد بعد ايدي ايدك"ضليت فاكه حلكي اريد استوعب لا لا اني اتراجعت بصلافتي للمركز الثاني واتقدمت حور وصوت رهف ترزل بيها وحور اتكللها انجبي انتي وكضي رجلج لا يمد ايده على رجلي شهكت وكتلهاا ولج من يمته صار رجلج كالت بحرگه كلب"ملوك اسكتي انتي ماسمع صوتج مو ماخذه سلطانهم هاهيه حبي شتردين من الله بعد انطينه مجال نمشي قسمتنه..وعفيه كل وحده تكض رجلها ترا رجلي جواه اهواي خطوط حمره وقد اعذر من انذر"عزا بعينها وعين السانها صفنتني والعباس سديت الجهاز واني مصدومه بيها ورجعت للصاله عباس كاعد ع القنفه بكل راحه وهدوء وخالو علي وسلطان يخزرون بي وهو ميباوع عليهم لان يدري بيهم مشتعلين من وره مصيبته ربع ساعه وسلطان سحب الـجهاز ماله من جيبه وخابر ماعرف منو وكال"حسابات عباس كِلها تـتجمد هسسسسة والـسيارة تـنسحب منه وأي مـكان يـخصنا ما يـعبر عتبته ويـنزل لـلـمخازن الـجوانية يشتغل حاله حال أي عامل غريب خاف نسى الأصول خلوه يتعلمها بلمخازن لـحد ما يـتأدب" وعباس شال روحه وركعها بلكاع اهم شي عنده السياره والدياحه وجدو كال"لموا الـزلم كلها قبل مـا يـطلع فـجر باجر كـبار الـعشيرة والـوجوه الـطيبة مـجتمعة بـباب الـبيت"​خالـو علي كال"صار يابه هـسة أتـصل باجر من الـصبح نـتوكل بـالزلم ونـروح نـطلب الـعطوة والـسالفة بـإذن الله تفض على خير"باوعت لسلطان جانت اعصابه مشدوده لأقصى حد رحت بخطوات هادئه ومسحت على جتفه التفت وعيونه تشتعل نار من شافني رخت ملامحه همست"لتخلي النار تاكل روحك... إن شاء الله تفض على خير" وضغطت على جتفه وهمست"إنت موجود... يعني السالفة محلولة" صفن بوجهي ثواني وتنهد تنهيدة طويلة غمض عيونه لحظة ديحاول يلم اعصابه وبعدين هز راسه بخفة وهمس بتفكير"إن شاء الله"وصار الصبح وراحو وبقيت ع نار انتضرهم ومن رجعو وجوهم متبشر بخير دخل جدو وشمر العبايه مالته ع القنفه وكعد وخوالي حيدر ومؤيد وعلي وسلطان كلهم صايرين اعصاب ويتناقشون بلسالفه واني صافنه عليهم وعباس بكل صلافه يسأل ويناقش بيهم سلطان وخالوعلي لازمين روحهم كوه عنه فـ اثنينهم طلعو وبقت هوسه خوالي يتناقشون بصوت عالي ويه جدو شروط الفصل مافهمت شي من الهوسه والنقاشات الحاده لحد مافضت وكل واحد راح لبيته بلليل ب9 سمعت صوت باب المكتب اكيد رجع ف رجليه اخذتني كبل للمطبخ كلبي جان يوجعني عليه سويتله استكان جاي مهيل بلكت يعدل راسه بهذا التعب صبيت الجاي ورحت فتحت الـباب بـهدوء ودخلت چان گاعد وره المكتب ساند راسه على حافة الكرسي وعيونه مغمضهن قميصه مفتوح أكثر من اللازم دلاله على اعصابه والشيب بلحيته وشعره بارز بضوه المكتب الخفيف زايدته هيبه ووقار جان يمسح وجهه بعصبية وعيونه بيهن نار كتله بهدوء...

نفــــــــس❤️

Open In TikTok:

Region: IQ

Monday 27 July 2026 12:19:15 GMT