@inkandsoul31: လူတစ်ယောက်ကို ချစ်ပြတာ၊ စာနာပေးတာနဲ့ ပေးဆပ်တာတွေဟာ မွန်မြတ်တဲ့စိတ်ထားတွေပါ။ ဒါပေမဲ့ အဲဒီစိတ်ထားတွေကို အကန့်အသတ်မရှိ အစွန်းထွက်အောင် သုံးမိတဲ့အခါ ကိုယ့်ကိုကိုယ် တဖြည်းဖြည်း အဆိတ်ခတ်နေသလိုဖြစ်သွားတာ သင် သတိထားမိရဲ့လား...။ အကန့်အသတ်မရှိတဲ့ ယုံကြည်မှုဟာ ရိုးသားမှုမဟုတ်ပါဘူး၊ ကိုယ့်ကိုယ်ကို သစ္စာဖောက်ဖို့ လမ်းခင်းပေးတာပါ။ မထိုက်တန်တဲ့သူပေါ်မှာ လွန်ကဲစွာ ပုံအောယုံကြည်မိတဲ့အခါ နောက်ဆက်တွဲ ရလိုက်တဲ့ ဒဏ်ရာက ကိုယ့်နှလုံးသားတစ်ခုလုံးကို အပိုင်းပိုင်းကျိုးပဲ့သွားစေပါတယ်။ သူများတွေရဲ့ အဆင်မပြေမှုကို နားလည်ပေးရင်း၊ သူတို့ရဲ့ ပူလောင်မှုတွေကို မျှဝေခံစားပေးလွန်းရင် ကိုယ်တိုင်ပဲ လောင်ကျွမ်းသွားတတ်ပါတယ်။ ကိုယ့်စိတ်ငြိမ်းချမ်းမှုကို မီးရှို့ပြီးမှ ရလာတဲ့ စာနာမှုဟာ သူတပါးအတွက် သက်သာရာဖြစ်ချင်ဖြစ်မယ်၊ ကိုယ့်အတွက်တော့ နာကျင်စရာပဲ ကျန်ခဲ့ပါလိမ့်မယ်။ ကိုယ့်မှာရှိတာထက် ပိုပြီး ပေးဆပ်မိတဲ့အခါ၊ ကိုယ့်တန်ဖိုးကို ပေးဆပ်မှုတွေအောက်မှာ မြှုပ်နှံမိတဲ့အခါ တန်ဖိုးထားခံရဖို့ထက် "အလိုလို ရနေကျ" လူတစ်ယောက်အဖြစ်ပဲ မြင်ကြတော့တာပါ။ မင်းရဲ့ အကန့်အသတ်မရှိတဲ့ ပေးဆပ်မှုဟာ တခြားသူအတွက် ကောင်းကင်ဘုံဖြစ်ပေမဲ့ မင်းအတွက်တော့ ငရဲတမျှ ပူလောင်စေပါတယ်။ ဒါကြောင့် ဘာပဲလုပ်လုပ် မျှတမှု မရှိရင်၊ အစွန်းထွက်လွန်းရင် ပျက်စီးခြင်းဆီပဲ ဦးတည်ပါလိမ့်မယ်။ သူများကို ချစ်တာထက် ကိုယ့်ကိုယ်ကို ဦးစွာ ချစ်တတ်ပါစေ။ စေတနာနိယာမမှာတောင် စည်းနဲ့ဘောင် ဆိုတာ ရှိဖို့ လိုပါတယ်။ 🖤✨ Ink&soul ✍️ #motivation #selflove #lifelessons #inkandsoul #fyp

…… Ink & soul …..

Open In TikTok:

Region: SG

Monday 27 July 2026 12:25:14 GMT