خۆزگە ئەم پۆستە هەموو تاکێکی کورد دەیبینی.. وانه‌یه‌ك له‌ ئه‌ڵمانه‌كانه‌وه‌ چاره‌سه‌ری گرانبوونی نرخی بەنزین چییه‌؟ بەیانیەک خەڵکی ئەڵمانیا بۆ کڕینی شیر ڕویان لە مارکێتەکان کرد و بینیان دوێنێ یەک لیتر شیر بە یەک یۆرۆ بوو، کەچی ئەمڕۆ بە 1.5 یۆرۆیە، هیچ کەس نەیکرد بە هاتوهاوار کەس لە سۆشیال میدیا کۆمێنت و پۆستی نەکرد، تەنها پێکەوە خەڵکی بڕیاریاندا شیر نەکڕن. قوتوە شیرەکان گەڕێندرانەوە کارگەکان و ئێوارەی هەمان رۆژ، ئەنگێلا مێرکڵ، ڕاوێژکاری پێشووی ئەڵمانیا لە تەلەڤزیۆنی فەڕمی وڵاتەکەی بە شێوەیەکی ڕاستەوخۆ داوای لێبووردنی لە خەڵکی کرد بەڵێنی پێدان لە رۆژی دواترەوە نرخی شیر وەکو پێشتر بە یەک یۆرۆ دەفرۆشرێت! خەڵک بەمەش رازی نەبوون و هەر نەیانکڕی، ناچار نرخەکە بۆ 0.75 یۆرۆ دابەزی! ئەمەیە گەلی هۆشیار! ئەمەیە کۆمەڵگا نەک کۆمەڵەگا! ئەوەتا ئێستا هەموومان بینەری ئەو راستیەین کە؛ ماوەی دوو هەفتەیە دەمی هەر کەسێک ئەکەیتەوە کۆمەڵێک گلەیی و گازندە و زۆرکات جنێویش دەدات و دەڵێت: گرانی بەنزین پشتی شکاندین! ئەی بەراست پرسیوتە بۆ؟؟؟ ئاخر ناکرێ ئێمە وەک مێگەل بەس بڕۆین و نەپرسین بەرەو کوێ!! ئاسانترین ڕێگەی دابەزینی راستەوخۆی بەنزین یان هەر کاڵایەکی تر، بایکۆت کردن و تڕۆکردنی ئەو بەرهەمەیە. کێ لە دوو هەفتەی گرانبوونی بەنزیندا، بۆ یەک رۆژ سەیارەکەی راگرت و وتی بەنزینی تێناکەم و ستەمی زیاتر قبوڵ ناکەم؟ تۆ لە خۆت پرسیوە ئەگەر هەمووی بەیەک دەنگ بچن تەکسی یان پاس بەکاربهێنن، لەم دۆخەدا زۆر هەرزانتر لەسەریان دەکەوێت وەک لەوەی بەنزین بکەنە سەیارەکانیانەوە؟ ئەزانن لەوەتای بەنزین گران بووە بەنزینخانەکان زیاتر قەرەباڵخن و خەڵکی بە لێشاو ڕووی تێدەکەن؟ نە غاز بەر ئەکەوێت نە نەوت و نە بەنزین! ئەمە نازانم ناو بنێم ترس لە داهاتوو، ناو بنێم نەزانی و گێلی، یان چی؟ بەڵام کەسێک لەوە تێبگات وشەی توکلت علی اللە مانای چییە، نابێت ئەوەندە بترسێت و دایم وابزانێت لە برسێتی و نەبوونیا ئەمرێت! کەواتە گەیشتینە ئەو خاڵەی، ئێمە خۆمان نامانەوێت نرخەکەی دابەزێت، خۆمان دەستمان راگرتووە کۆمەڵێک خوێنمژی بەناو بازرگان و حکومەت بەسەریدا بڕۆن.. کەی خۆمان یەک دەنگ بڕیارمان دا ژیانمان بگۆڕین بۆ باشتر، دڵنیابن رێگرێک بوونی نامێنێت. هەر بۆ نموونە کەی خەڵکی سلێمانی وتیان ئەوە ئێمە بایکۆتی بەنزینمان کرد، یان هەولێر و دهۆکیش بە هەمانشێوە، ئەوکات کاریگەرییە راستەوخۆکە دەبینن. ئەگەر ئەمڕۆ یەک ملیۆن لیتر بەنزین بفرۆشرێت و خێری هەر لیترێک 250 دینار بێت، واتە خەڵک لەیەک رۆژدا دەتوانێت زەرەری 250 ملیۆن دینار لە تەواوی بەنزینخانەکان بدەن، جا ئەوکات ئەو چینە بازرگانە هانا بۆ حکومەت دەبەن کە هاوکات بەشێکیان شەریکیشن پێکەوە، ئیتر بەم جۆرە حساب بکەن بە تەنها 4 رۆژ بایکۆت کردن، یەک ملیار دینار زیان دەکەن و ناچار دەبن نرخ بۆ 450-500 دابەزێننەوە. خۆزگە وەک لە سەرەتاشدا وتم، خەڵکی ئێمە یەک جار بمانتوانیایە بەراستی خەمخۆری حاڵی خۆمان بین و یەک دەنگ بین! #hevarhiwaa #kurdistan #foryou #کوردستان - @hevarhiwaa