@yoseaf299: م تشاكلها في الشاااارع وقدام الناس مهما عملت 2 - لما تلاقيها وتكونو بتتكلموا عاين ليها في عيونها مساافه لمن تفصل وتخجل . 3 - لمن تكون ماشي تلاقيها شيل معاك بارد... حلاوه .. شوكولاته اندومي لبان المهم حاجات كدا مبسطه . 4 - خليك عااارف تفاصيل علاقتكم؟ - متين ارتبطوا - متين اتعرفتوا على بعض متين قتا ليها بحبك ومتين قالت ليك هي كدا الحاجات دي بسيطه ع فكره بس صدقوووني بتفرق 5 - اووووعي تخليها تنووووم زعلانه منك مهما حصل 6- لما تكونوا شله وهي معااااك اقعد جمبها واتكلم معاها هي بس حسسها انك م شايف غيرهااا 7- لمن تشوفها ماشه مع صاحباتها اقمز ليهااا خليها تخجل وشاغلها خليها تتضحك واتهابل معاها 8- م ضروووري تجيب ليها هدیه غاليه عشان تثبت ليها انك بتحبها أي حاجة منك بتبسطها 9 - احكي ليها اي شئ بحصل معااااك حتى لو عااادي خليها تحس انها مهمه بالنسبة ليك وكدا 10 - لما تلااااقي بوست حب في مختلف مواقع السوشال ميديا تاقيها وقول ليها شنوي مزه ياااخ 11 م تقول ليها ح اعرسك وتبقى حلالي إذا أنت م قدر الحاجه دي م تعشمها ف الفاضي ساي 12 - لمن يمر شهر أو سنه على علاقتكم قول ليها السنه الجايه أو الشهر الجاي انشاء الله مع بعض. 13 - أثناء ما انتوا بتكونوا بتتناقشو في موضوع ولا ماسكين ليكم ونسه قول ليها بحبك فجاءه كدا وبدون مقدمات ح تتبسط شدید 14 - اكتب عنهاااا بوستات واكتب عنها في الإستوري لانو دي حاجة حلوه جداً جداً. 15 - م تخلي اصحاااابك يضحكوا فيها ويقولوا فيها كلام غلط. 16 - م تتأخر في الرد عليهاااا وحتى كان مشغول وريها انك مشغول وم تحاول تختصرها نصيحه ... حافظ عليها ليه؟ ول شنو احافظ عليها طيب ح اوريك... * عشان في الوقت الانت بتخليها تبكي، في واحد نفسو يشوف ابتسامتها والله جد و في الوقت الانت عامل تقيل عليها، في واحد مستعد يذل نفسو مية مره عشانها و في الوقت الانت م بتتكلم فيهو معاها، في غيرك نفسو يقعد معاها اليوم كلو. في الوقت الانت م بتهتم بيها، في واحد عايز يحتويها بإهتمامو عشان في الوقت الانت م بتحبها فيهو، في واحد غيرك حيغرقها حب !! عرفت ليه ....!؟؟ فحافظ عليه #creatorsearchinsights #متابعاتكم__فضلا_وليس_امرا

Osman Suliman :

في حاجات كتيرة في الحياة بتزعل الزول، لكن أكتر حاجة ممكن تتعب قلبك هي إنك ترفع سقف توقعاتك مع الناس. تتوقع الاهتمام البتديه يرجع ليك، تتوقع السؤال، التقدير، الوقفة، والوفاء... ولمن ما تلقى أي حاجة من دي، تحس إنك انخذلت، وتبدأ تلوم في الدنيا، مع إنو مرات المشكلة ما في الناس، المشكلة في التوقع ذاتو. نحنا بطبيعتنا لمن نحب زول أو نعزه، بنديه من قلبنا بدون حساب. بنفتكر إنو ح يحس بينا بنفس الطريقة، وإنو ح يراعي خاطرنا زي ما بنراعي خاطرو. لكن الحقيقة إنو الناس ما كلها بتفكر بنفس العقل، ولا بتحب بنفس القلب، ولا بتقدر بنفس الإحساس. مرات بتسهر عشان تطمن على زول، وهو حتى ما بيسأل لو إنت كويس. مرات بتوقف معاه في أصعب ظروفو، ولمن تجيك ظروفك تلقاه أول واحد غاب. ساعتها بتحس بالوجع، لكن الوجع الحقيقي ما من تصرفو... الوجع من الصورة الكبيرة الرسمتها ليهو في بالك، ومن سقف التوقع العالي البنيتو بإيدك. اتعلمت إنو ما أي زول يستحق المساحة الكبيرة البتديها ليهو في حياتك. وما أي كلمة حلوة معناها وفاء، وما أي اهتمام في البداية بيدوم للنهاية. عشان كدا، خليك طيب، لكن ما تكون ساذج. حب، لكن خليك واعي. وأدي، لكن ما تنتظر المقابل من نفس الشخص ولا بنفس الطريقة. أريح حاجة ممكن تعملها لقلبك، إنك تخفض سقف توقعاتك من الناس، وترفع سقف احترامك لنفسك. لأنو الزول البقدرك، ما ح تحتاج تطلب منو اهتمام، ولا تذكرو بقيمتك، ولا تشرح ليهو وجعك كل مرة. البحبك بصدق، وجودك عندو مهم، وغيابك بيفرق معاه. الحياة علمتني إنو راحة البال ما معناها تلقى ناس كاملين، لأنو الكمال ما موجود. راحة البال إنك تعرف منو يستحق تعبك، ومنو يستحق وقتك، ومنو مجرد محطة في طريقك. وكل ما قللت توقعاتك من الناس، كل ما زادت قدرتك على تقبل الواقع بدون انكسار. وفي النهاية... ما ترفع سقف توقعاتك إلا مع رب العالمين، لأنو وحده الكريم البيدهشك بعطاه، ووحده البجبر خاطرك في الوقت المناسب. أما الناس، خليك معاهم بالمعروف، ولو فاجأوك بالخير اشكرهم، ولو قصروا، امشِ في طريقك وأنت رافع راسك، لأنو قيمة الإنسان ما بتتحدد بتصرفات الآخرين، وإنما بتتحدد بالمبدأ البعيش بيهو.

fofo.assil.3 :

🥰🥰🥰 كلام جميل تسلم

ابوءإبراهيم الذيدابي {♡515♡} :

الهدوء محتواي جميل جدااا لاكن الان مستعجل ولانا لقاء ي اخوي❤️

ٕ محمد عبدالباقي 🫆9️⃣1️⃣9️⃣ :

هاك المتابعه دي ياخ💔

(حمــــــادة) ... Mohammed :

تسلم يا ملك👑👑 على كلام الجميل. المفروض تكتب الصفحتك جبر الخواطر 🥰🥰

الكاتب الصغير 💔🫶🏻💪 :

والله انت جبري خاطر صح ✅ كل الحب والاحترام ليك منتظرين جديدك

اخو البزعي AL :

https://vt.tiktok.com/ZS41Go3vW/

جدي الغزال 🦌❤️‍🔥🌹 :

بدر 👈الصليحابي👉1 1 1 ✈️✈️✈️ :

طيبت خاطري تسل يا كارب

ودالغره :

جيب يااصلي كلام زي دا خلينا نعرف اكتر تحية ليك وارفع تاني الله يعزك

جيمي عاشق تسابيح 🛻 :

ينصر دينك والله أجمل عبارة 🥰

راشد حماد :

ينصر دينك ياغالي 💘💘💘 نضمك يجبر الخاطر

ابوروان الحامدي✌❤ :

ياسلام عليك

ود ترمان اخو اخوان :

كل حب وتقدير

mayor osman :

ربنا يحفظك ويبارك فيك وفي أولادك يارب كلام جميل فتحت نفسياتي

الجمرى صديق صديق :

ي سلام عليك

اخو البزعي AL :

حقيق ي كارب

ود ســـــــ🔗ليــــــــ♡مان 🧃 :

ربي يحفظك ويطول بعمرك 🥰🥰🥰🥰

The silence of the night :

نعم كلامك من الذهب

𓅔 جـٰنـٰو ود نـٰصـٰرالله 𓅔 :

شكرا يا غالي على الكلام الحلو

الدنياااا العبوس خربااااااانه :

😂لكن الموسيقى ظابط

حسين ابوبكر :

valverde :

كلام من ذهب 💞🫰💞