نــظــم زه اوس دومره شوم چې ته راپسې ژاړې؟ ناروغي دې ورځ په ورځ پسې زیاتېږي ګرځوي دې کورنۍ په ډاکټرانو ته په داسې یوه رنځ باندې اخته یې چې بې ما ورباندې هیڅوک نه پوهېږي هره ورځ درنه همدا خبره اورم راته وایې ژوند بې تا نشم کولی ځان به ووژنم که ته راڅخه لاړې زه اوس دومره شوم چې ته راپسې ژاړې؟ له دفتره دې اخستې رخصتي ده خبر شوی یمه نه ځې وظیفې ته د همزولو محفلونو دې پرې ایښي شپه او ورځ دې په کوټې یې ننوتې پټه ژاړې راپسې درته یادېږم خپل وجود دې په غاښونو باندې داړې زه اوس دومره شوم چې ته راپسې ژاړې؟ د نصرت په غږ اردو موسیقي اورې یې یوازې په تیاره کوټه کې ناسته او شکولي دې تڼۍ د ګریوانه دي د ناکامې مینې فکر درسره دی دواړه لاسه دې له ځانه راتاو کړي هر یو بیت یې له خپل ځان سره ژباړې زه اوس دومره شوم چې ته راپسې ژاړې؟ هر زیارت ته د خپل ښار یې ورغلې په کوډګرو دې هم کړي تعویزونه نفلاتونه دې زما لپاره کړي شکرانه دې د خپل غاړې جامې ایښي او ورکړي دې بې حده خیراتونه یعني دومره ضرورت لرې وه ماته چې له خدایه مې په هره المانځه مې غواړې زه اوس دومره شوم چې ته راپسې ژاړې؟ په سپین مخ دې د ماښام تیاره خورېږي سور سالو دې سور شفق ته ورته کیږي د رواج زنځير په پښو لاسو تړلې ستا د اوښکو او سلګو نه صدقه شم د زوال په شان د غرۀ په سر ولاړې زه اوس دومره شوم چې ته راپسې ژاړې؟ نېمه شپه ده ته لا ویښه یې تر اوسه پر واټساپ مې د ځواب په انتظار یې هر ګړی راته رالیږې مسیجونه ټلیفون دې په لاسونو کې نېولی مګر بند دې زما دواړه نمبرونه غلې، غلې له خپل ځانه سره ژاړې زه اوس دومره شوم چې ته راپسې ژاړې؟ پر تاسو ❤♥ #viral #foryuo #fyp #100kwiew #10klikes😍 @khabans - @brokenangiz