@mulenigusse7: ኦሾ ስለ ፍቅር ሲናገር አንድ መሠረታዊ እውነትን ይጠቁማል፤ ፍቅር ዕቃ አይደለም፤ የማንነት መዓዛ ነው። አበባ መዓዛዋን ለማንም ሳትቆጥር እንደምትለግስ ሁሉ፣ እውነተኛ ፍቅርም ከተሞላ ልብ በራሱ ይፈስሳል። ኦሾ በLove, Freedom, Aloneness ውስጥ የሚያስረዳው፣ አብዛኛው ሰው "ፍቅር" ብሎ የሚጠራው በእርግጥ የመያዝ ፍላጎት፣ የፍርሃት ግንኙነት ወይም የፍላጎት ግብይት መሆኑን ነው። "እወድሃለሁ" እያለ በምላሹ "እኔንም ውደደኝ" የሚጠብቅ ፍቅር በኦሾ እይታ ንግድ እንጂ ፍቅር አይደለም። ስለዚህ የሀሩን አል ረሺድ ታሪክ የሚያሳየው ይህንኑ ጥልቅ እውነት ነው። ሰዎች ሁሉ ወደ ውድ ጌጣጌጦች ሲሮጡ፣ ያቺ ባሪያ ግን የሁሉም ባለቤት ወደሆነው ሱልጣን እጅ አመራች። ምክንያቱም ምንጩን ስታገኝ ፍሬው በራሱ ይከተላል። ኦሾ በThe Beloved ውስጥ እንደሚያብራራው፣ ፍቅር የሚጀምረው በሌላ ሰው ሳይሆን በራስ ውስጥ ነው። ልብህ በፍቅር ሲሞላ፣ መስጠት ተፈጥሯዊ ይሆናል። ከዚያ በኋላ የምትሰጠውን አትቆጥርም ፣ የምትቀበለውንም አትለካም። ፍቅር ራሱ ሽልማት ይሆናል። ከኦሾ እይታ አንጻር፣ እውነተኛ ፍቅር "ምን አገኛለሁ?" ብሎ አይጠይቅም፤ "ምን ልስጥ?" ብሎ ይኖራል። ፍቅር ከመቀበል አይወለድም፤ ከመስጠት ያብባል። ስለዚህ የሚወድ ሰው ፍቅርን አይለምንም፤ ፍቅር ይሆናል። የፍቅር ሚስጥር በመሰብሰብ ሳይሆን በመለገስ ውስጥ ነው። እጅህ የተዘጋ ከሆነ ምንም አይገባበትም፤ እጅህ ክፍት ከሆነ የምትሰጠውም የምትቀበለውም ይበዛል። ስለዚህ ፍቅር የሚሰጥ ልብ ሁልጊዜ የበለጠ ሀብታም ነው። "እውነተኛ ፍቅር ሌላን ሰው ለመያዝ አይሞክርም፤ ራሱን በሙሉ ለመለገስ ይደፍራል። ፍቅር የምትሰጠው ሳይሆን፣ የምትሆነው ነው።" ኦሾ/Osho

muluken Nigusse

Open In TikTok:

Region: ET

Monday 27 July 2026 16:21:14 GMT