@aqsham_news: Әлеуметтік желіде немересі Мәликаның сұрақтарына шынайы жауап беріп, ақ пейілі мен мейірімі арқылы көпшіліктің жүрегінен орын алған Иба әжей өмірден өтті. Қайғылы хабарды оның немересі Мәлика әлеуметтік желідегі парақшасында жеткізді. Иба әжейдің қарапайым болмысы, жылы күлкісі мен өмірлік даналығы мыңдаған адамның сүйіспеншілігіне бөленген еді. Сондықтан бұл қаралы хабар желі қолданушыларына да ауыр тиді. «Бәріміздің әжеміздей болып кетіп еді…», «Жатқан жері жайлы, топырағы торқа болсын», «Иманы жолдас болсын» деген пікірлер әлеуметтік желіде толассыз жазылып жатыр. 🕊️ Иба әжейдің жаны жәннатта, жатқан жері жайлы, топырағы торқа болсын. Марқұмның отбасы мен жақындарына қайғыра көңіл айтамыз.