Sab Se Aula o Aala Hamara Nabi (ﷺ) Lyrics Urdu Naat Sharif Kalam Ala Hazrat Imam Ahmad Raza نعت سب سے اولیٰ و اعلیٰ ہمارا نبی ﷺ سب سے بالا و والا ہمارا نبی ﷺ اپنے مولیٰ کا پیارا ہمارا نبی ﷺ دونوں عالم کا دولھا ہمارا نبی ﷺ بزمِ آخر کا شمع فروزاں ہوا نورِ اوّل کا جلوہ ہمارا نبی ﷺ جس کو شایاں ہے عرشِ خُدا پر جلوس ہے وہ سلطانِ والا ہمارا نبی ﷺ بجھ گئیں جس کے آگے سبھی مشعلیں شمع وہ لے کر آیا ہمارا نبی ﷺ جس کے تلووں کا دھووَن ہے آبِ حیات ہے وہ جانِ مسیحا ہمارا نبی ﷺ عرش و کرسی کی تھیں آئینہ بندیاں سوئے حق جب سدھارا ہمارا نبی ﷺ خَلق سے اولیا، اولیا سے رُسُل اور رسولوں سے اعلیٰ ہمارا نبی ﷺ حُسن کھاتا ہے جس کے نمک کی قسم وہ ملیحِ دل آرا ہمارا نبی ﷺ ذکر سب پھیکے جب تک نہ مذکور ہو نمَکیں حُسن والا ہمارا نبی ﷺ جس کی دو بوند ہیں کوثر و سلسبیل ہے وہ رحمت کا دریا ہمارا نبی ﷺ جیسے سب کا خدا ایک ہے ویسے ہی اِن کا، اُن کا، تمھارا، ہمارا نبی ﷺ قرنوں بدلی رسولوں کی ہوتی رہی چاند بدلی کا نکلا ہمارا نبی ﷺ کون دیتا ہے دینے کو منھ چاہیے دینے والا ہے سچا ہمارا نبی ﷺ کیا خبر کتنے تارے کھِلے چھپ گئے امام احمد رضا بریلوی رحمۃ اللّٰہ علیہ انتخاب پیشکش صدائے شعیب sada-e-shoaib poetry imam Ahmad Raza brelvi #urdushayari #naat #naatstatus #ahmadraza #sadaeshoaibpoetry - @sadaeshoaibpoertry