ያለ ፍላጎቷ በቤተሰቧ አስገዳጅነት የተካሄደ ልጅ ላልፈለገችው ግለሰብ የመስጠት ወይም የመዳር ሂደት።🥹🥹 የሴቶች እና የልጃገረዶች መብት ይከበር🙏 More Clarification Yo dubbiin ifuu didde ni ibsinaa koottaa kaa: Akka Gadaa fi aadaa teennaatti fuudhi fi heerumi akeekaa fi akaakuu qaba. 1. Ijoolleen lamaan eega wolii galtee worratti himatti. Worri kaayyoo ilaalee yo kaayyoon kennitee ifaa ifatti kadhatee fuudha. Gara amantaa yo dhufne kaayyoo hinilaalanu. Ijoolleen woliif miseensa te’uu qofa adda baafatanii waaqa kadhatanii wolfuusisan. Tun kadhaa jedhamti. 2. Ijoolleen lamaan yo woljaalatte adeemsa kadhaa hordofuu jibbite wolfudhattee baddi. Tanaan hawadii jenna. Karaa seera qabeessaan araarfatanii soddooman. 3. Yo sababoota garagaraatiif intalti takka ado hinheerumin manatti turtee gogeessi isii marti heerume nama barbaadde ka jaartii qabulle teetu addibaana itti seenti. Kun waan duriitii hafeera amma. 4. Intalli takkaa fi mucaan tokko wolii galanii tasa wodhakkaan yo intalti yaada jijjiiratte humnaan dirqisiisee fudhata. Tun butaa jedhamti. Tanalle hawaasi keenna bira kutee jira. Gadaalle hin eeyyamu. 5. Dhaala. Kun inninuu eega dedhamee bubbulee jira. Fuudhii fi heerumi amma jiru KADHAA fi HAWADII, ka kanarraa hafe seera qabeessaa miti. Aad male. Gadaan keennalle lallabee dhooggee jira. Amantaan namoonni keenna hordofanulle ni dhooggiti. Seerri biyya keessa jiraannulle ni dhorka. Worri asirraa aadaa aadaa jedhaa qabanii isin dadhaban aadaa eennuu keessatti intala durraa abbaan akka horii hidhee rarraasee namaa kenna? Meeti seenaa keenna keessa wonni akkasii? Jalqabumaa intala geette abbaan isii yokiin obboleessi nafa qabee akkasi lafarra harkisaa isii? Nafi intala durraa kabaja! Nama biraa dhiisii abbaanille akka qabu hin eeyyamtu aadaan. Kanaaf aadaa jettaanii waan qaanii san irra harka qabiisaaf hinwodhaaninaa. Tun aadaa namoonni hollaantiyyee fi adunyaan bira dabarte woliin badaa jirani. Yo qalbisee jiraate malee nami mataa fayya’aa daa’ima akkasi boottu akkam namaa kenna! Nama si hinjaalatin ka humnaan fuutu ati qara bineensa woyiitii? Eega jibbantee jibbantee jirtaa adabadhuu ka si jaalatu barbaadadhu. Amma intalli tun nama kana jala teettee isaa hortii? Barri sun darbee jira! Akaakuu fi akeeki fuudhaa fi heeruma akkanaa aada a fi seenaa ummata keennaa bakka waan hinbuuneef CIMSINEE balaaleffanna. - @yebichuu