ማቴዎስ 26:6-7 ኢየሱስም በቢታንያ በለጻሙ በስምዖን ቤት ሳለ፥ አንዲት ሴት እጅግ ዋጋው የከበረ ሽቱ የሞላው የአልባስጥሮስ ብልቃጥ ይዛ ወደ እርሱ ቀረበች፥ በማዕድም ተቀምጦ ሳለ በራሱ ላይ አፈሰሰችው። ማርቆስ 14:3 እርሱም በቢታንያ በለጻሙ በስምዖን ቤት በማዕድ ተቀምጦ ሳለ፥ አንዲት ሴት ዋጋው እጅግ የከበረ እውነተኛ የናርዶስ ሽቱ የሞላበት የአልባስጥሮስ ብልቃጥ ይዛ መጣች፤ ብልቃጡንም ሰብራ በራሱ ላይ አፈሰሰችው። ዮሐንስ 12:3 ማርያምም ዋጋው እጅግ የከበረ እውነተኛ የናርዶስ ሽቱ ንጥር አራት ሊትር ያህል ወስዳ የኢየሱስን እግር ቀባችው፥ በጠጉርዋም እግሩን አበሰችው፤ ቤቱም ከሽቱው መዓዛ ተሞላ። ሉቃስ 7:37-38 እነሆም፥ በከተማይቱ ኃጢአተኛ የነበረች አንዲት ሴት፥ በፈሪሳዊው ቤት በማዕድ እንደ ተቀመጠ ባወቀች ጊዜ፥ ሽቱ የሞላበት የአልባስጥሮስ ብልቃጥ አመጣች፤ በስተኋላውም እግር ስር ቆማ እያለቀሰች በእንባዋ እግሩን ታርስ ጀመር፥ በጠጉርዋም ታብሰው እግሩንም ትስመው ሽቱውም ትቀባው ነበረ።🙏🙏🙏 - @yenealem350