خودا خۆی ئازادی داوە جەنابیان لەسەر دەستوری عەرەب و تیرۆرستی دەڵێ قورئان وتویەتی خۆت داپۆشە، وتویەتی بەڵام ئەی ئاینی ئاشتی هیچ هەڵبژاردەی بە مرۆڤەکان نەداوە؟ داویەتی بەڵام تۆی دواکەوتوو کە بەدوای بیری عەرەبی و ئیسلامی عەرەبی کەوتوی ئەو شتە نازانیت تۆ تەنها خۆ سەپێنەری هەموو ویستی تۆ ئەوەیە ئافرەت ببێ بە کۆیلە و خزمەتکارت کە بێگومان ئافرەتی ڕۆڵی سەرەکی هەیە لەم پڕۆژە بێ نرخەدا کە تۆی پیاو دەتەوێ بنیادی بنێیت یەکێک لەوانە دایکتە،خوشکتە کە دەیەوێ تۆ گەورەیی بەسەر دابکەیت،کە تۆ کەسایەتیت نابێ کە تۆ غرور و شکۆت هەمووی لە پێناو گەورەیی پیاودا دادەنێیت. بابەتەکە مەبەنەوە سەر ڕێزگرتن لە باوک لە برا لە دایک لە خوشک،بابەتی ڕێز ئەوە نیە جەنابت خۆت داپۆشی ئەوەیە ئەدەبت هەبێ چۆن هەڵسوکەوت و قسە دەکەیت، ئەگەر خۆ ڕوتکردنەوە بێڕێزیە بەرامبەر بە خێزانت و کۆمەڵگا بۆچی خودا جەستەیەکی بێڕێزی دروست کرد؟ کێشەکە لە ئاینەکە نیە کێشەکە لە گەیەنەرەکەیەتی هەمان ئەو خودایەی وتی با ژن خۆی داپۆشێ وتیشی شوشەکان بپارێزن بەڵام تۆ کە ژنێک دەپارێزی دەتەوێ بە داپۆشینی سنگ و قاچ و قۆڵی بیپارێزی،ناڵێی پیاوی ئارەزووباز بۆی نیە سەیری کەس و کارم کات دەڵێی با خوشکەکەم خۆی داپۆشێت، ئەگەر ئافرەت شکۆ و ناموسە ئەی تۆی پیاو وەک مرۆڤ هیچ شکۆ و ناموسێکت نیە وا ئافرەت دەکەیت بە شەڕەفت؟ ئەی تا ئێستا بیرێکت بە مێشکتا نەخشاندووە بڵێی پیاو ئەوە منم کە پیسم بۆچ دەبێ خوشک و دایک باجەکەی بات؟ ئەو پیاوانەی کە ڕێگە نادەن خوشک قاچی ڕوتکا یان ئەو باوکانە کچەکانیش خۆیان (داوەتە دەستیان ) ئەم پیاوانە لە خۆیاندا پیاوی تر دەبینن، لە پیسی خۆیان و مێشکیاندا خەڵک دەبینن،دەزانن پیاو چەند بونەوەرێکی پیسە خۆیان سەیری ژن و کچی خەڵک دەکەن و چاو ناگرن تا خەڵکیش سەیری ژن و کچیان نەکات دایاندەپۆشن بۆ کوێ دەڕۆی؟ تۆ سەیری خەڵک کەیت بە پیسی بەتەمای سەیری ئەوەی تۆ نەکرێت؟،بەتایبەتی ئەو مەلایانە کە باسی شوێنە سێکسیەکانی ئافرەتان دەکەن لە میمبەرەکاندا و دەڵێن پیاو خۆی ناگرێ، ئەوانیش زۆر ئاسانە بزانیت چی لە دڵ و مێشکیاندایە هەر بە گوفتاریان دیارە کە مێشکیان بەس لای قاچی ڕوتە مەلای ئارەزووباز پیاوانی ئارەزووباز بەرهەم دێنێ،یان ئەو ژن و کچە گەمژانەی دەڵێن نا نابێ شورەییە ئێمە ژنین نابێ وابکەین نابێ وابکەین، بەیارمەتیت خۆت هەڵت نەبژاردووە کە ژنیت خودا هەڵی بژاردووە دوای ئەوە لەبەر چ هۆکارێک نابێ ژن واو وابکا؟ کام سەرچاوە هەیە؟ ژن کە شەرم لە ژنیەتی خۆی بکا جیلی نوێ چۆن دەبێ؟ ژنی ئێستا بە کوشتنی ژن پێدەکەنێ هاوارە ژن و کچی ئێستا شانازی بەوە دەکەن لێیان بدرێ و لە ژوورەوە زیندانی بکرێن، تا ئێوە نەیەنەوە سەرخۆتان نیوەی کچ ژیانیان لەناو دەچێ، خۆش بە حاڵی ئەو کچە مێشک کراوانەی ئێستا چاویان کراوەتەوە و تێدەگەن کە ئەوەی دەکرێ نادادپەروەریە. ~ #kurdish #kurdistan #ڤیۆری #fyp #actives? - @.viyoria