"دا هماغه سوچ دی چې زه یې سخت اندېښمن کړی یم." خالد (رض) په موسکا سره وویل: "زه پوهېږم چې امیرالمؤمنین (ابوبکر صدیق) به اجازه را نه کړي. هغوی د دلته له حالاتو خبر دي. که اجازه راکړي هم، دا خطر شته چې دښمن به پوه شي چې ابن ولید تللی دی. زه غواړم ډېر ژر لاړ شم او بېرته راشم." مثنی بن حارثه (رض) وویل: "د خدای په قسم ولیده! ته نه پوهېږې چې څه وایې، دا ناممکنه ده." خالد (رض) وویل: "الله ناممکن ممکنوي. انسان باید همت وکړي. زه به تاسو ته ووایم چې څه کوم او له کومې لارې ځم." په حج کې یوازې څوارلس ورځې پاتې وې او له فراض څخه مکه مکرمې ته مسافت د تېز تګ په صورت کې هم له دوه نیمو میاشتو ډېر و. خالد (رض) باید کومه لنډه لاره موندلې وای، خو کومه ښکاره لاره نه وه. خالد (رض) له اسلام مخکې د تجارت له امله په سختو او اوږدو سفرونو پوهېده او په داسې لارو خبر و چې عام خلک پرې نه پوهېدل. هغه خپلو سالارانو ته داسې یوه لاره وښوده. مثنی بن حارثه (رض) وویل: "د خدای په قسم ابن ولیده! ستا دماغ خو نه دی خراب شوی؟ ته کومه لاره ښیې، هغه لاره نه ده، هغه داسې دښته ده چې د صحرا بادونه هم ترې وېرېږي. ایا ته د مرګ لپاره بله لار نه پېژنې؟" خالد (رض) په عزم او خوداعتمادۍ سره وویل: "هغه خدای چې موږ یې پر غښتلیو دښمنانو غالب کړو، هغه به مې له دې سیمې هم تېر کړي. زه ډاډه یم چې تاسو مې مخه نه نیسئ او دا راز به له دې خېمې بهر نه ځي. که امیرالمؤمنین هم حج ته راغلی و، نو خپل مخ به ترې پټ کړم." تاریخ پوهان، په ځانګړي ډول طبری، بیانوي چې خالد (رض) څنګه د ۱۲ هجري قمري کال حج ادا کړ. په داسې حالاتو کې چې د فارس او روم د امپراتوریو له لوري د ګواښونو خطر هر وخت موجود و، خالد (رض) له لښکر څخه غایب شو او په خورا سختو دښتو کې په داسې لارو روان شو چې ډاکوان او لار شکونکي هم ترې وېرېدل. هغه د ورځې مسافتونه په دقیقو کې لنډول. د دښتې خطرناک ماران او لړمان، د لارې ګمراه کوونکې شګلنې غونډۍ او د اوبو نشتوالی هغه سترې ننګونې وې چې خالد (رض) ورسره مخ و. خالد (رض) په ټاکلي وخت مکه ورسېد. کله چې خبر شو چې امیرالمؤمنین ابوبکر صدیق (رض) هم په حج کې دی، نو خپل سر یې وخرو او داسې یې خپل مخ پټ کړ چې څوک یې ونه پېژني. حج یې ادا کړ او په ډېرې چټکۍ سره بېرته د خپل لښکر لور ته روان شو. کله چې هغه حیره ته ورسېد، د هغه لښکر هم هماغه وخت ورسېد. هیچا باور نه کاوه چې خالد (رض) حج کړی دی. څلور میاشتې وروسته، کله چې له فارس سره جګړې پای ته ورسېدې، خالد (رض) ته د امیرالمؤمنین خط ورسېد. په خط کې په حج باندې د اشارې سربېره لیکل شوي وو: "له حیره څخه کوچ وکړه او شام ته لاړ شه. زه تا د اسلامي لښکر سرلښکر ټاکم. ابوعبیده (رض) او نور ټول سالاران به ستا تر امر لاندې وي. تکبر مه کوه او په پوره عزم مخکې لاړ شه." خالد (رض) لښکر په دوو برخو ووېشه، یو یې مثنی بن حارثه ته وسپاره او پخپله له بلې برخې سره د شام په لور روان شو. دا د اسلامي تاریخ یو له هغو سترو سفرونو و چې د خالد بن ولید (رض) د الهي توکل او پوځي نبوغ ښکارندویي کوي❤️📜#viral #pashto #sad #foryou #fyp - @hamnwa8