@sangarshah171: نننۍ ورځ زما د ژوند له هغو ځانګړو او نه هېرېدونکو ورځو څخه وه. ماته دا ویاړ را په برخه شو چې د ګوند له هغو درنو او مخلصو مشرانو سره خبرې وکړم چې له کلونو راهیسې یې د خپل ګوند ملګرتیا په وفادارۍ، اخلاص او ثابت‌قدمۍ پاللې ده. په هغوی کې زما د پلار نږدې ملګري هم شامل وو؛ هغه کسان چې ما له ماشومتوبه پېژندل. د هغو خلکو مخې ته چې زه به کله د ماشوم په توګه ورسره لوبېدم او شوخي به مې ورسره کوله، نن د تنظیمي چارو په اړه خبرې کول زما لپاره هم د ویاړ ځای و او هم یوه ستره مسؤلیت. د وینا له پیل وړاندې لږه وېره او هیجان راسره و، خو د دغو درنو مشرانو شتون ماته لا ډېر باور او جرئت راکړ. که څه هم عمر یې بدنونه کمزوري کړي، خو د ګوند سره یې مینه، وفاداري او د خدمت جذبه لا هم د پخوا په شان ژوندۍ ده. همداسې مخلص او نظریاتي مشران د هر ګوند اصلي شتمني وي، او د هغوی تجربه او لارښوونه زموږ د ځوان نسل لپاره تل د رڼا څراغ دی.#sangarshah11 #psf🚩✌🏻 #foyoupage #trending