@neth.miee: 2020. Facebook එකේ අහම්බෙන් හම්බුණු නවල් කිහිපයක්… ඒ දවස්වල මම දැනගෙන හිටියේ එක දෙයක් විතරයි. ඊළඟ කොටස එනකම් නොඉවසිල්ලෙන් බලන් ඉන්න තරම්, ඒ වචන මගේ හිත අල්ලගෙන තිබුණා. කතාවේ චරිත එක්ක හිනා වුණා… ඒ අයගේ දුක එක්ක ඇඬුවා… අවසන් පිටුවෙන් පස්සෙත් දවස් ගාණක් ඒ කතාවෙන් එළියට එන්න බැරිව හිටියා. ඒ වෙද්දී මම රසිකාවියක් විතරයි. ඒත් ජීවිතේ ලස්සනම surprise එක වුණේ, ඒ වචන ලියපු කෙනා දවසක මගේ ජීවිතේ හරිම ආදරණීය යාළුවෙක් වුණු එක. හමුවුණේ එකම එක වතාවක් වුණත්, ඒත් ඒකෙන් බැඳීම මනින්න බෑ. අපේ මිත්‍රත්වය හැදුණේ හමුවීම්වලින් නෙවෙයි. රෑ මැද message එකකින්… පැය ගාණක් දිග call එකකින්… හිත හොඳ නැති දවසක “මොකද වුණේ?” කියලා අහපු එක වචනයකින්. සමහර වෙලාවට යාළුවෙක් කියන්නේ ළඟ ඉන්න කෙනා නෙවෙයි. දුර ඉඳන් වුණත් හිත නිවෙන කෙනා. ඔයා මට එහෙම යාළුවෙක්. ඔයාගේ ජීවිතේ සමහර දවස් මම දැක්කා. හිනා වෙන මූණ පිටිපස්සේ තිබුණු වේදනාවත් දැක්කා. ''හැමදේම හරි” කියලා කිව්වත්, ඇත්තටම හැමදේම හරි නැති දවස් තිබුණු බවත් දන්නවා. ඒ නිසා අද මේ පොත මගේ අතේ තියෙද්දී මට පේන්නේ කවරයක් ඇතුළේ අකුරු ටිකක් නෙවෙයි. මේ පිටු අතර තියෙන්නේ… ආයෙත් හිනාවෙන්න ඉගෙන ගත්ත හදවතක්. ආයෙත් ආදරේ විශ්වාස කරන්න පටන් ගත්ත මනුස්සයෙක්. අන්තිමේදී, තමන්ට ගැළපෙන සතුට හොයාගත්ත ආත්මයක්. ඒ නිසා මේ පොත කියවන්න කලින්ම මගේ ඇස්වලට කඳුළක් ආවා. දුකට නෙවෙයි. සතුටට. මොකද… මම ආදරේ කරපු author ගේ කතාවක් විතරක් නෙවෙයි මේ. මගේ ආදරණීයම යාළුවෙක්ගේ ජීවිතේ ලස්සනම පරිච්ඡේදය. ඉතින් නෝරා... අද මේ පොත අතට ගත්තාම මට දැනෙන්නේ හරි පුදුම හැඟීමක්. 2020 දී ඔයාගේ වචනවලට ආදරේ කරපු රසිකාවියක් අද ඔයාගේ සතුට දැකලා හදවතින්ම සතුටු වෙන යාළුවෙක් වෙලා. ඒක තමයි ජීවිතේ ලස්සනම plot twist එක. ඉදිරි හැම පරිච්ඡේදයක්ම මේ පොතේ වගේම ආදරෙන් ලියවෙන්න… ඔයාගේ හිනාව කවදාවත් නැති නොවෙන්න… ඔයාට ආදරේ කරන අයගේ ආදරේ මැද්දේ, ඔයා හැමදාම සැනසීමෙන් ජීවත් වෙන්න… හදවතින්ම ප්‍රාර්ථනා කරනවා. 🤍📖 මොකද සමහර කතා… පොතකින් ඉවර වෙන්නේ නැහැ. ඒවා ජීවිතේ දිගටම ලියවෙනවා… 🤍📖🌿 '' ඒ රිදුම් නිවී මා හදේ ඈ ළඟින් රැදිලා වගේ සීරුවෙන් ළයේ පෙම් මල් පීදුණා... මං නුඹේ නෙත් මානෙම ඉන්නම්... මුව සරසන් සුසුමක් ගානේ හිදී නම්... මේ හිත සනසන් හැඟුමන් මාගේ විදීනම්... ඔබ එනකල් මොහොතක් මා මේ හිදින්නම්.....'' #nethmanema #ishiniwijesinghe #norawalakulu #dilubeats @Nora ☁ @inkverse by nora

Nethmi:)

Open In TikTok:

Region: LK

Wednesday 29 July 2026 07:23:11 GMT