@miiganeilkacase2: Haddii aynu kala tagnay oo xiriirkeennii uu dhammaaday, taasi macnaheedu ma aha in wanaaggii iyo xusuustii quruxda badnayd ee inaga dhexaysay ay iyaguna dhammaadeen. Sidoo kale ma aha inaan illoobo qofkii aad ahayd iyo kaalintii aad mar iga soo qaadatay. Qalbiyada bani’aadamku mararka qaar way kala fogaadaan, duruufuhuna waxay kala kaxeeyaan laba qof oo mar is jeclaa, balse kala taggu ma aha sabab ay dadku isu noqdaan cadow ama ay isku dhaawacaan. Anigu waxaan aaminsanahay in qof aad mar si dhab ah qalbigaaga ugu soo dhaweysay, aan lagu abaal marin hadallo xun iyo in ceebihiisa laga sheekeeyo marka xiriirku dhammaado. Sidaa darteed, ha iga filan inaan gadaashaada wax kaa sheego ama aan magacaaga meel ku dhaawaco. Wanaaggii iyo xusuustii aan kula soo qaatay ayaa iga weyn xanaaq kasta ama murugo kasta oo ka dhalan karta kala taggeenna. Waxaan xusuusan doonaa maalmahii quruxda badnaa, qosolkii, daryeelkii, iyo waqtiyadii aynu is garab taagnayn. Xitaa haddii maanta aynaan sidii hore isku ahayn, haddana qalbigayga waxaa ku sii jiri doona ixtiraam iyo qaddarin aanan cidna dartii uga tanaasulayn. Qofkii aad ahayd iyo xusuustii aad iga reebtay waxay mar walba qayb ka ahaan doonaan noloshayda, waayo xiriir wuu dhammaan karaa, lkn xusuusta wanaagsan si fudud looma tirtiri karo. Noloshu mararka qaar waxay ina bartaa in dadka qaar aysan weligood nala sii socon doonin, balse ay nolosheena u yimaadaan si ay inooga tagaan casharro qiimo leh iyo xusuuso aan la ilaawi karin. Adiguna waxaad ahayd qayb aan wax badan ka bartay; Samirka, jacaylka, daryeelka, iyo sida qalbi qof loogu xirmo si daacad ah oo deggan. Sidaas darteed, weligay ma noqon doono qof dadka uga sheekeeya ceebahaaga ama meelaha aad ku liidato, Sababtoo ah qof aan mar si dhab ah u jeclaa, sharaftiisa xitaa marka uu iga fogaado waan ilaalinayaa. Haddii aynu maanta kala tagnay, waxaan kuu rajaynayaa nolol wanaagsan, qalbi deggan, iyo farxad dhab ah oo wejigaaga mar walba ka muuqata. Waxaan rajaynayaa inaad hesho wax kasta oo qalbigaagu doonayo, oo aad noloshaada ku gaarto xasillooni iyo farxad. Aniguna waxaan dooranayaa inaan ilaashado qaybtii wanaagsanayd ee aynu wadaagnay, halkii aan ku mashquuli lahaa wixii naga khaldamay. Why? mararka qaar, jacaylku ma aha oo keliya in qof lala joogo; wuxuu kaloo noqon karaa in marka la kala tago, aad weli u rajayso wanaag, aad sharaftiisa ilaaliso, oo aad xusuusato wanaaggii uu mar noloshaada ku soo kordhiyay.