" كون شبيكان " نزلو النجم تحديدآ أربعين بيت بالجزيرة بشبيكان مع شيخهم مشحن بن غمر بن راشد العزام اخو فلجه الملقب (بالمتقنع) وعقبها شمر مشت للجزيره الاقصيه والنجم تلهو وضلو لحالهم من دون شمر ماحولهم احد ويوم قيضو ، وكان كريدي بن حرشان يقنص ويقولهم إذا ما روحت تراني مقروص او مقضوب من غزو ومره من المرات ماروح كريدي غاب ، وقالو لمشحن كريدي ماروح من القنيص هقا مشحن ان كريدي مقضوب وهو يبلغ النجم قالهم خيلكم لا تخلون حديد بهن ومعاليقهن حطوهن عليهم واعقلو الحوار وأمه ولاتنامون ويجهمون خيالين يبحرون إذا شافوهم تراهم يبون يصبحونكم الصبح وذا ماشافوهم تراهم يتنون حلالكم يمد ويصيرون بينكم وبين حلالكم لكن رحلو الناس عند حلالكم وذا ما جاكم غزو ترا كريدي مقروص والا جايه بلا روحو دورو عليه (وكان الغزو قاضبين كريدي الحرشان كان طالع لحاله يقنص وسألوه كم صنمكم انتم قال اربعين خيال ) قالو مقدور عليهم وابعدو كريدي عن ربعه لا ينذرهم ، اما النجم قربو بيوتهم عند حلالهم ومتجهزين ويوم انزلو البيادر والإبل تبرا لهم إلا يوم خيل من الفدعان خذو البل قومن مهي هينه شارو على مشحن ان الكثره تغلب الشجاعه وان يترك البل ويرحلون النجم يقربون لشمر ويسلمون على القوم لا يأخذونهم وقال مشحن وش تقول يا چبان وچبان من فريس النجم وراعي رأي قال جبان يا مشحن أنا ان ذبحتو اذبح وان تنومستو اتنومس لكن شمر الي بالغربيه ينزلون منزلكم بشبيكان والشرقيه ينزلونه إذا مشيتو عاد قالو الثابت تركوه وتصير عليكم معيره بين شمر قال مشحن عليهم عون من الله وقال لخليف القنيف من فريس النجم عشرين معك وعشرين عندي وحنا نبرا لكم نبي نشوف عنهم وخليف على له فرس سبوق ومن جملة الي معه سلميان ويطاردونهم يبون يشوفون عنهم ويأمارهم مهم حول القاله والشمس غابت والبل أقفت ، وقالو شوفو مشحن اما يجي ولا نبي ننكس جاء سلميان على مشحن ونشده مشحن عن خليف وشلون طرادهم قال مهو شين لكن سعده معوه يقصد فرسه والشمس غابت او تجون ولاننكس ،قال مشحن عند الله عند الله ونا اخو فلجه عليهم وتصف فريس النجم وتدنق بهم القاع على مكان ينقاله شهره ابو حيه ومشحن قصران شوفه وينشد ظليفان من فريس النجم قال يالظليفان هل قوم وينهم مالهم ملزومه مالهم سبيله وينهم عن هل جال ؟ قال ظليفان تراهم هم الجال مامن جال ومشحن وما لحق ياخذ درعه معه بشته يسمونه بالجزيره عبات ، وقال هل الجدعا عليهم ونا اخو فلجه وهو يرخي حبال فرسه وباثره فريس النجم ويحدرون عليهم برماح وذكر الموقف هاذا الشاعر سعود ابن مشهور بالقصيده ، وهم يطعنونهم ويكسرونهم وفكو الابل وخذو قلايعهم وبالكون هذا من هالهوا قلبت العباه البشت على وجه مشحن ويكون عليهم وهي غامرته وسموه المتقنع وهب الهوى للنجم والكفه لهم وصار طراد الخيل للعوج والعوجا وأمر الله انهم ينتصرون وصار علمه كبير وما رحلت الثابت عن شبيكان وضلت منازل شبيكان لشمر وكان سعود ابن مشهور الثابتي نازل بعيد عن شبيكان ومعه خوي تانوح وقال ياتانوح ماتروح تجيب لنا زاد ودخان وراح تانوح وهو يقصد سعود يقول : امس الضحى نطيت رجمٍ خلاوي رجم البهيما مرتبه مامعه روح والله على مزت سبيلٍ رهاوي مراكي الدلال والكيس مطروح وتسعين قبه من بنات العلاوي ورماح بيدين الطنايا لهن ضوح وهي اطول من ذلك ، وثم رجع تانوح ومعه علم الكون وسمع ان ابن عزام مذبوح بالكون وقاله سعود ياتانوح والله مابي غير الدخان وقلت هلون وهلون يقصد القصيده ورد عليه تانوح يقول وانا بعد قصدة قصيده قال وش قلت قال : ياسعود ابن مشهور امرك سماوي وربعك على نارٍ سناها تقل ضوح وتسعين قبه من بنات العلاوي حمايهن خلي على القاع مطروح وقال مسعود ابن مشهور : مشحن مذبوح ؟ وقال ما جاك غير هالكلام وهو يقعد يبكي سعود على ربعه يحسبهم انوخذو وثاني يوم شاف له ركبٍ جاي على الخيام توهم واصلين وراح لهم سعود وقال اسألكم باللي اقوى منكم وش صار من هالمعركة بين الفدعان وبين النجم وقالوا الركب النجم خذوا من القلايع كثير وفلان عنده ١٢ وفلان ١٠ وكانوا من العوج والعوجا ليما شبيكان وغاروا عليهم الفدعان وكان الهوى غربي للفدعان وثم صار شرقي للنجم وانتصروا النجم وقصد سعود يقول : عليت يانابي العدام الفقاره مرباع رحلن قاطنات شبيكان هب الهوى لربوعنا واستداره وبشر نسيب على حبال سعران من اربع امايا ما حوالك حواله من اربعين ما بهم زود خیال اقفت على الفدعان تالي نهاره واقفوا كما رفهن تداراوه عقبان وذيب العوج ياما كلا من سلاله وشته على غصيب قبٍ ومردان وتبشر ياللي ميس من خياله مركاض خيال المغاتير جرشان و مشحن على الطابور يرخي احباله باهل الصلوت الي على الخيل فرسان والله يالولا حضورهم معا غيابه ما جاك رداد الخبر من جبيان عــدي وزيــرٍ قاعــدٍ بجــلالـه قالوا عمامك شلعوا خيل ويلان #سنجاره #الثابت #اكسبلور #شمر #fyp - @nj555m