@khaan3887: Hooyo waa eray gaaban laakiin macno aan dhammaad lahayn leh. Waa qofka kaliya ee kuu farxa marka aad faraxdo, kuu ooya marka aad ooydo, xanuunkaagana dareema adigoon hadlin. Maalin kasta waxay ku ducaysaa adigoo hurda, waxay ka fikirtaa mustaqbalkaaga adigoo qoslaaya, waxayna qalbigeeda ku qaadaa culaysyo aadan waligaa ogaan doonin. Hooyo ma jecla iney adiga kaa maqasho “waan dhibanahay”, sababtoo ah qalbigeeda ayaa markiiba dhaawacma. Adiguna mararka qaar waxaad mooddaa iney xoog badan tahay, laakiin runta waxay tahay inay adiga dartaa u adkaysato. Haddii ay daasho ma sheegto, haddii ay xanuunsato way qarinaysaa, haddii ay murugo qabtana dhoolacadeyn ayay ku daboolaysaa… si adiga aad u faraxsanaato. Markaad yarayd waxay hurdadeeda ka dooratay hurdadaada, markay cunto yar jirtayna waxay ka dooratay calooshaada caloosheeda, markay daashayna waxay ka dooratay nasashadaada nasashadeeda. Wax walba oo ay qabato waa adiga dartaa… xataa mararka qaar adigoon u mahadcelin. Hooyo waa qofka kaliya ee aan kaa quusan waligeed. Dad badan ayaa kaa tegi kara, saaxiibo ayaa kaa fogaan kara, xataa kuwa ku jeclaa ayaa mararka qaar isbedeli kara… laakiin hooyo waligeed kuma daasho. Haddii aduunka oo dhan kaa soo horjeesto, hal qof ayaa had iyo jeer ku leh: “Ilmahayga wuu fiican yahay”. Markaad qalad samayso waxay kuu noqotaa macallin, markaad murugootana waxay kuu noqotaa saaxiib, markaad guuleysatana waxay kuu noqotaa taageeraha ugu weyn. Guushaada iyada ayaa ka farax badan adiga, guuldarradaadana iyada ayaa ka xanuun badan adiga. Waxaa jira dad badan oo jacayl ku yiraahda, laakiin jacaylka hooyo lama barbar dhigi karo. Jacaylkeedu ma laha shuruud, ma laha xad, ma laha waqti uu dhamaado. Xitaa markaad weynaato weli waxay kuu aragtaa canuggeedii yar ee gacanta ku socday❤️🥹

khaan

Open In TikTok:

Region: SO

Wednesday 29 July 2026 18:26:02 GMT