@yogigx: في ناس إنت ممكن تكون بتحبهم بس لو عشت معاهم ما ح تقدر تتحملهم ولا ح يقدرو يتحملوك كلنا متفقين إن في كل واحد فينا في جانب كويس وجانب كعب ف قبل ما تنبهر بالجانب الكويس في الشخص وتكتفي بيهو حاول إنك تتعرف على الجانب الكعب وتتقبله عشان تقدر تكمل مع الشخص المعاك دا للآخر لأنك ح تآخده كلو بالكويس والكعب الفيهو ما ح تقدر تجزءو خليكم متأكدين إن الشخص الفي حياتكم دا موافق عليكم كداا زي ما إنتو بحلوكم ومركم وبكل تقلباتكم إختارو شخص فاهم ومقدر إن مافي شخص كامل وخالي من العيوب، شخص قادر يتعايش مع كل النقص الفيكم💜 شخص مستعد يختاركم ويساعدكم تبقو احسن نسخة من نفسكم مش يصنع منكم نسخة جديدة على مزاجه الحياة دي صعب إنها تتعاش من غير تقبل، تقبل لكل نقص فيها من ناس وأشياء وإلا ح نكون لافيين في دوامة مثالية ما ح نقدر نصلا ولا ح نقدر نتخلص منها وفي النهاية..... الشخص الصح ما هو الشخص الكامل، بقدر ما هو الشخص البشوف نقصك وما بخاف منو ولا بيستخدمو ضدك لأن الحب الحقيقي ما بيغيرنا... بقدرنا ما بدينا مساحة نكون نفسنا💜 ويمكن أعظم أشكال الحب إنك تلقى شخص يقول ليك: "أنا شايفك زي ما إنت... وبرضو مختارك"🌸

Yo Gi

Open In TikTok:

Region: SD

Wednesday 29 July 2026 18:45:58 GMT