@mm0903442294: وقف قدامها بعد غياب طويل، عاين لملامحها الهادية والباردة شديد، وقال ليها بعتب: — "أنا جيت، بس حاسس إنك اتغيرتي معاي.. وين الريدة الكانت بتملأ عيونك؟ وين زعل العشم، وأسئلتك الكتيرة، ونقاشاتك المعاي في كل صغيرة وكبيرة؟ مالي حاسس بيك بقيتي بعيدة كأنك غريبة؟" سرحت بعيد، وبأهدأ نبرة عندها جاوبتو: — "شايف الصمت والهدوء العاجبك فيني هسي ده؟ ده ما هدوء رضا، ده هدوء بعد العاصفة.. أنا زمان كنت بنقش معاك، وبعاتبك، وبزعل لما تهملني، وبفتش ليك الأعذار بس عشان كنت حريصة على وجودك في حياتي.. العتاب كان طريقتي عشان أقول ليك (أنا متمسكة بيك، أوعك تفوت)." نزلت دموعها بس مسحتها سريع وواصلت: — "لكن أنت كنت بتشوف عتابي ده (نفسنة ونقّة وزهج)، وبتشوف زعلي قلة عقل وتفاهة، وكنت بتعاملني ببرود وتهميش وتخليني أنوم بدموعي.. يوم ورا يوم، الخيط الرابطنا بقى يرفع ويضعف، لحد ما انقطع خالص من جهتي. أنا ما اتغيرت عليك، أنا بس استسلمت.. استسلمت لإنك ما حتفهمني، ووفرت طاقتي لنفسي." نزل راسو في الأرض وقال ليها بصوت مكسور: — "يعني خلاص، ماف طريقة نرجع زي زمان؟" قالت ليهو وهي بتبتسم بوجع: — "في حاجات لما تموت جوة الروح، تاني ما بتصحيها ألف فرصة.. الكلمة الحنينة والاهتمام لما يجوا بعد ما الروح تزهد وتكتفي، بيبقوا زي المطر البصب فوق المقابر.. ما بصحي المات، بس بزيد الطين بلّة." #سؤال هل بتشوفو إنو "العتاب" هو دليل الريدة الحقيقية؟ ومتين بتصلو لمرحلة "الصمت التام" وتخلوا الطرف التاني يواجه برودكم بعد ما ت

316🖤

Open In TikTok:

Region: SA

Wednesday 29 July 2026 23:10:46 GMT