شمشتحصیل دتہ خیل کے عوام آخر کب تک یہ مشکلات برداشت کریں گے؟ تحصیل دتہ خیل کے علاقے بویا، لانڈ سیدآباد سے لے کر دیگان تک مرکزی دتہ خیل روڈ کو تین مختلف مقامات پر مستقل طور پر بند کر دیا گیا ہے، جس کے باعث ہزاروں شہری روزانہ شدید مشکلات کا شکار ہیں۔ عوام کو مجبوراً کچے، تنگ اور غیر محفوظ متبادل راستوں سے سفر کرنا پڑ رہا ہے۔ ان راستوں پر ہر وقت حادثات کا خدشہ رہتا ہے، جبکہ لوڈر، ٹرک اور دیگر بڑی گاڑیوں کی آمدورفت تقریباً ناممکن ہو چکی ہے۔ اس صورتحال نے مقامی تجارت، روزگار اور ضروری سامان کی ترسیل کو بھی بری طرح متاثر کیا ہے۔ انتہائی افسوس کی بات یہ ہے کہ جس راستے کو پہلے چند سیکنڈ میں عبور کیا جا سکتا تھا، آج اسی مختصر فاصلے کے لیے 10 سے 15 منٹ صرف کرنا پڑتے ہیں۔ مشکلات یہیں ختم نہیں ہوتیں۔ تحصیل بویا قلعہ کے قریب مرکزی سڑک کٹاؤ کا شکار ہے اور مزید نقصان کا خدشہ بڑھ رہا ہے، جبکہ متبادل راستے پر واقع پل تقریباً ایک سال سے ٹوٹا پڑا ہے۔ بارہا توجہ دلانے کے باوجود آج تک نہ اس پل کی تعمیر شروع کی گئی اور نہ ہی عوام کو کوئی مستقل حل فراہم کیا گیا۔ ہم ضلعی انتظامیہ، متعلقہ اداروں اور اعلیٰ حکام سے مطالبہ کرتے ہیں کہ اس سنگین مسئلے کا فوری نوٹس لیا جائے، مرکزی دتہ خیل روڈ کو بحال کیا جائے، ٹوٹے ہوئے پل کی تعمیر جلد مکمل کی جائے اور تحصیل دتہ خیل کے عوام کو بنیادی سفری سہولیات فراہم کی جائیں۔ عوام کو مزید انتظار اور مشکلات میں رکھنا کسی صورت قابل قبول نہیں۔ #everyone #follower Deputy Commissioner North Waziristan Waziristan Hero - @amindawar7